மீண்டும் கறுப்பு ஜூலையா?

பயங்கரவாதத் தாக்குதல் தொடர்பான தகவல்களைக் குறிப்பிட்டு பொலிஸ் மா அதிபர் பாதுகாப்பு செயலாளருக்கு சமர்ப்பித்த கடிதம் தற்போது சமூக வலைத்தளங்களில் பரவி வருகின்றது.

அக்கட்டுரையில் 'கறுப்பு ஜூலை'யை முன்னிலைப்படுத்தி, இம்மாதம் 5 மற்றும் 6ஆம் திகதிகளில் இடம்பெறும் என்று கூறப்படும் பயங்கரவாதத் தாக்குதல் தொடர்பான அம்பலமானது புலனாய்வுப் பிரிவினருக்கு கிடைத்த உறுதிப்படுத்தப்படாத தகவலின் அடிப்படையில் கவனத்தில் கொள்ளப்பட்டுள்ளது.

இந்த தகவல் புலனாய்வு அமைப்புகளால் உறுதிப்படுத்தப்படாத தகவல் மற்றும் கட்டுரையில் குறிப்பிட்டுள்ளபடி, 'கருப்பு ஜூலை'யை முன்னிலைப்படுத்தும் பயங்கரவாத தாக்குதல் சாத்தியம் குறித்து எந்த தகவலும் வரவில்லை.

இந்த தாக்குதல்கள் பயங்கரவாத குழுக்களால் நடத்தப்படலாம் என்றும், பல்வேறு அரசாங்க எதிர்ப்பு குழுக்கள் அரசாங்கத்தை அவமதிப்பு மற்றும் ஸ்திரமின்மையை ஏற்படுத்தும் வகையில் வன்முறையை தூண்டலாம் என்றும் தெரிவிக்கப்பட்டுள்ளது.

இந்த புலனாய்வுத் தகவல் தொடர்பில் தற்போது மேலதிக விசாரணைகள் மேற்கொள்ளப்பட்டு வருவதுடன், பொதுமக்களின் பாதுகாப்பிற்கு முன்னுரிமை அளித்து உயர் பாதுகாப்பை உறுதிப்படுத்த அனைத்து நடவடிக்கைகளும் மேற்கொள்ளப்பட்டுள்ளன.

இதனடிப்படையில், பொதுமக்கள் கவலையடைய வேண்டாம் என்றும், அன்றாட நடவடிக்கைகளில் ஈடுபடுமாறும் பாதுகாப்பு அமைச்சு மேலும் வேண்டுகோள் விடுத்துள்ளது.

இச்செய்திக்கு பிரதான அனுசரணை

வீடியோ இங்கே