இலவச திரிபோஷா நிறுத்தம்: வீடுகளில் உணவு தயாரிக்குமாறு பரிந்துரை

பாலூட்டும் தாய்மார்கள் மற்றும் பரிந்துரைக்கப்பட்ட குழந்தைகளுக்கு இலவச திரிபோஷா இனி வழங்க முடியாது எனவும் தானியத்துடன் ஒத்த உணவை  வீட்டில் தயார் செய்யுமாறு பேருவளை பிரதேசத்தில் உள்ள மகப்பேறு மற்றும் சிசு சிகிச்சை நிலையங்களில் உள்ள தாய்மார்களுக்கு குடும்ப சுகாதார அதிகாரிகள் தகவல் வழங்கியுள்ளனர்.

தற்போது நிலவும் பொருளாதார நெருக்கடி மற்றும் தானியங்களை கொள்வனவு செய்ய முடியாத நிலை காரணமாக எதிர்காலத்தில் திரிபோஷ வழங்குவதில் சிக்கல் ஏற்பட்டுள்ளதாக அதிகாரிகள் மேலும் சுட்டிக்காட்டினர்.

இதற்கு மாற்றாக பச்சை பட்டாணி, பட்டாணி, கௌபீ, சோயா போன்ற சிறுதானிய உணவுகளை இணைத்து திரிபோஷா போன்ற உணவு வகைகளை எவ்வாறு தயாரிப்பது என்பது குறித்த விழிப்புணர்வு நிகழ்ச்சிகளையும் கிளினிக்குகள் தொடங்கியுள்ளன.

பாலூட்டும் தாய்மார்களுக்கு வழங்கப்படும் 2000 ரூபா மாதாந்த வவுச்சருக்கு பரிந்துரைக்கப்பட்ட உணவுகளை மாத்திரமே சதொச விற்பனை நிலையங்களால் கொள்வனவு செய்ய முடிந்த போதிலும், களுத்துறை மாவட்டத்தில் உள்ள சதொச விற்பனை நிலையங்கள் கடந்த ஐந்து மாதங்களாக வவுச்சருக்கான உணவை வழங்க மறுத்து வருகின்றன.

சில சதொச விற்பனை நிலையங்களில் இது நிரூபிக்கப்பட்டாலும் பெரும்பாலான விற்பனை நிலையங்களில் அவ்வாறான விழிப்புணர்வு இல்லை.

இதனால் பல தாய்மார்களுக்கு உணவு வாங்கி வவுச்சரை வழங்கும் வரை இது தெரியாது.

இச்செய்திக்கு பிரதான அனுசரணை

வீடியோ இங்கே