இரண்டு இடங்களில் வெள்ள அபாய எச்சரிக்கை விடுக்கப்பட்டுள்ளது

களனி, களு, ஜின் மற்றும் நில்வலா ஆறுகளிலும் அத்தனகல்லு ஓயாவைச் சுற்றியுள்ள தாழ்வான பகுதிகளிலும் சிறு வெள்ளம் ஏற்பட்டுள்ளது.

மேல், சப்ரகமுவ மற்றும் வடமேல் மாகாணங்களிலும் கண்டி, நுவரெலியா, காலி மற்றும் மாத்தறை மாவட்டங்களிலும் இன்று (01) 75 மில்லிமீற்றருக்கும் அதிகமான மழை பெய்யக்கூடும் என வளிமண்டலவியல் திணைக்களம் தெரிவித்துள்ளது.

இதேவேளை, அனர்த்த நிவாரண நடவடிக்கைகளில் ஈடுபட்டிருந்த உத்தியோகத்தர் ஒருவர் வெள்ளம் காரணமாக உயிரிழந்துள்ளதாக அனர்த்த முகாமைத்துவ மத்திய நிலையம் தெரிவித்துள்ளது.

மேல், சப்ரகமுவ மற்றும் தென் மாகாணங்களில் இன்று மழை குறைந்துள்ள போதிலும் பல தாழ்வான பிரதேசங்கள் வெள்ளத்தில் மூழ்கியுள்ளன.

இன்று காலை 8.30 மணியுடன் நிறைவடைந்த கடந்த 24 மணித்தியாலங்களில் களுத்துறை ஹல்வத்துர பிரதேசத்தில் 101.5 மில்லிமீற்றர் மழைவீழ்ச்சி பதிவாகியுள்ளது.

மழை காரணமாக களனி, களு, ஜின் மற்றும் நில்வலா ஆறுகள் மற்றும் அத்தனகல்லு ஓயா தாழ்நிலப் பகுதிகள் சிறிதளவு வெள்ளப்பெருக்கு ஏற்பட்டுள்ளது.

நீர்ப்பாசனத் திணைக்களத்தின் பணிப்பாளர் நாயகம் எஸ்.பி.சி.சுகீஸ்வர தெரிவித்துள்ளார்.

"இன்று இந்த ஆறுகளில் கணிசமான மழை பெய்தால், இந்த ஆறுகளில் நீர் மட்டம் அபாயகரமாக உயரக்கூடும், இதன் விளைவாக தாழ்வான பகுதிகளில் கணிசமான வெள்ளம் ஏற்படும்."

"களனி ஆற்றின் மேல் பகுதிகளில் நீர் மட்டம் கணிசமாக குறைந்துள்ளது, ஆனால் ஹங்வெல்ல முதல் மோதர வரையிலான உயர் நீர்மட்டம் தொடர்கிறது."

பாதிக்கப்பட்ட மக்களுக்கு நிவாரணம் வழங்குவதற்காக இரத்தினபுரி, களுத்துறை மற்றும் காலி மாவட்டங்களில் கடற்படையினர் 13 நிவாரண குழுக்களை அனுப்பியுள்ளனர்.

சீரற்ற காலநிலையினால் 132 குடும்பங்களைச் சேர்ந்த 576 பேர் பாதிக்கப்பட்டுள்ளதாக அனர்த்த முகாமைத்துவ நிலையம் தெரிவித்துள்ளது.

இதேவேளை, வெள்ளத்தினால் பாதிக்கப்பட்ட மக்களுக்கு நிவாரணம் வழங்குவதற்காக மாவட்ட செயலாளர்கள் ஊடாக நிவாரண நிதியை வழங்குமாறு திறைசேரிக்கு பிரதமர் ரணில் விக்கிரமசிங்க பணிப்புரை விடுத்துள்ளார்.

மேஜர் ஜெனரல் சுதந்த ரணசிங்க, அனர்த்த முகாமைத்துவ நிலையத்தின் பணிப்பாளர்

"ஒரு மரணம் பதிவாகியுள்ளது. துரதிஷ்டவசமாக, கிரில்லவெல்லவில் பொதுச் சேவையிலிருந்து திரும்பிக் கொண்டிருந்த எங்களுடைய சக அதிகாரி ஒருவர் வெள்ளத்தில் சிக்கி உயிரிழந்துள்ளார். ஒருவர் காயமடைந்து 57 குடும்பங்கள் இதுவரை 5 முகாம்களில் தங்கியுள்ளனர். 236 பேர் தடுத்து வைக்கப்பட்டுள்ளனர்."

மண்சரிவு அபாயம் உள்ள பிரதேசங்களுக்கு எச்சரிக்கை விடுக்கப்பட்டுள்ளதாக கட்டிட ஆராய்ச்சி நிறுவனம் தெரிவித்துள்ளது.தெஹியோவிட்ட, அரநாயக்க, வரகாபொல, பலத்கொஹுபிட்டிய, கேகாலை போன்ற பகுதிகள் அபாயத்தில் உள்ளதாகவும், மாத்தறை, கொட்டபொல, பிடபெத்தர ஆகிய பகுதிகள் ஆபத்தில் உள்ளதாகவும், பிரதேசங்களை உடனடியாக வெளியேற்ற வேண்டும். சிவப்பு அறிவிப்புகள் வெளியிடப்பட்டுள்ளன.

இச்செய்திக்கு பிரதான அனுசரணை

வீடியோ இங்கே