பாதுகாப்பு செயலாளரின் விசேட அறிவிப்பு

அமைதியான போராட்டக்காரர்களுக்கு எதிராக ராணுவத்தை பிரயோகிக்கும் திட்டம் இல்லை என பாதுகாப்பு செயலாளர் ஓய்வுபெற்ற ஜெனரல் கமல் குணரத்ன தெரிவித்துள்ளார்.

பீல்ட் மார்ஷல் சரத் பொன்சேகா தனது உத்தியோகபூர்வ முகநூல் கணக்கில் பதிவிட்டுள்ள குறிப்பிற்கு பதிலளிக்கும் வகையில் பாதுகாப்பு அமைச்சு அறிக்கை ஒன்றை வெளியிட்டுள்ளது.

வன்முறைகள் நிகழும் போது நாட்டின் பாதுகாப்பிற்காகவும், அரசியலமைப்பை நிலைநாட்டவும், அனைத்து இலங்கையர்களிடையே சமாதானத்தையும் சகவாழ்வையும் மேம்படுத்துவதற்காகவும், காவல்துறையினரின் வேண்டுகோளுக்கு இணங்க மட்டுமே, இராணுவ உதவி வழங்கப்படும் என அந்த அறிவிப்பில் மேலும் தெரிவிக்கப்பட்டுள்ளது.

போராட்டக்காரர்களை அமைதியான முறையில் கலைக்க அல்லது கலவரத்தை தூண்டவோ வெடிகுண்டு வெடிக்கவோ உளவுத்துறையை அனுப்ப உளவுத்துறையினர் திட்டமிட்டுள்ளதாக சமூக வலைதளங்களில் பரவும் வதந்திகளில் உண்மை இல்லை.

இலங்கையின் முப்படைகளும் நாட்டையும் மக்களையும் நேசிக்கும் தார்மீக சக்தியாகும் என பாதுகாப்புச் செயலாளர் தெரிவித்தார்.

அமைதிப் போராட்டங்களில் தமது இலட்சியத்தை அடைய முயலும் பல்வேறு குழுக்களை சுட்டிக்காட்டிய பாதுகாப்புச் செயலாளர், அமைதிப் போராட்டங்கள் என்ற போர்வையில் அரச சொத்துக்கள் அல்லது தனியார் சொத்துக்களை அழிப்பவர்கள் மற்றும் அதற்குத் தலைமை தாங்குபவர்களுக்கு எதிராக பொலிஸார் சட்ட நடவடிக்கை எடுப்பதாகத் தெரிவித்துள்ளார். .

சட்டம் ஒழுங்கையும் நாட்டு மக்களையும் பாதுகாப்பதற்கும் அரசியலமைப்புக்கு அமைவாகவும் கடமையாற்றுவதற்கு முப்படையினரும் பொலிஸாரும் அர்ப்பணிப்புடனும் நேர்மையுடனும் செயற்பட்டு வருவதாக  பாதுகாப்புச் செயலாளர் மேலும்  தெரிவித்தார்.

இச்செய்திக்கு பிரதான அனுசரணை

வீடியோ இங்கே