அமெரிக்காவுக்கான ரஷ்யத் தூதர் அலெக்சாண்டர் டார்ச்சியேவ் காலமானார்
அமெரிக்காவுக்கான ரஷ்யத் தூதர் அலெக்சாண்டர் டார்ச்சியேவ், இந்தப் பொறுப்பில் ஒன்றரை ஆண்டுகள் மட்டுமே பணியாற்றிய நிலையில், 66 வயதில் திடீரென காலமானதாக ரஷ்ய வெளியுறவு அமைச்சகம் அறிவித்துள்ளது.
டார்ச்சியேவை "சிறந்த தூதர், அனுபவம் வாய்ந்த தலைவர் மற்றும் அன்பான சக ஊழியர்" என்று அந்த அமைச்சகம் வர்ணித்துள்ளது. அவர் மார்ச் 2025ல் இந்தப் பொறுப்பில் நியமிக்கப்பட்டார்.
இந்நிலையில், அவரது திடீர் மரணம் குறித்த கூடுதல் விவரங்களை மாஸ்கோ வெளியிடவில்லை.
இதற்கு முன்பு, 2014 முதல் 2021 வரை கனடாவுக்கான ரஷ்யத் தூதராக டார்ச்சியேவ் பணியாற்றியுள்ளார்.
அமெரிக்க அதிபர் டொனால்ட் டிரம்ப் மீண்டும் ஆட்சிக்கு வந்ததைத் தொடர்ந்து, கடந்த ஆண்டு அவர் அமெரிக்காவுக்கான தூதராக நியமிக்கப்பட்டார்.
ரஷ்யா-அமெரிக்க உறவுகளில் நிபுணத்துவம் பெற்ற டார்ச்சியேவ், 2021 முதல் 2024 வரை ரஷ்ய வெளியுறவு அமைச்சகத்தின் வட அமெரிக்கத் துறையின் இயக்குநராகப் பணியாற்றினார்.
2022ல் ரஷ்யா உக்ரைன் மீது தாக்குதல் நடத்தியபோது, அந்த நடவடிக்கையை "தேவையான ஒன்று" என்று டார்ச்சியேவ் குறிப்பிட்டிருந்தார்.
