காங்கோவில் கடைசி எபோலா நோயாளி வெளியேறியதைக் கொண்டாடிய மருத்துவப் பணியாளர்கள்
காங்கோ ஜனநாயகக் குடியரசில், 'டாக்டர்ஸ் வித்தவுட் பார்டர்ஸ்' (Doctors Without Borders) அமைப்பால் நடத்தப்படும் எபோலா சிகிச்சை மையத்தில், மருத்துவப் பணியாளர்கள் பாடி நடனமாடும் காணொளி ஒன்று சமூக ஊடகங்களில் வைரலாகி வருகிறது.
எபோலா பாதிப்பு தீவிரமாக இருந்த மோங்ப்வாலு (Mongbwalu) பகுதியில் உள்ள அந்த சிகிச்சை மையத்திலிருந்து, கடைசி நோயாளிகளும் குணமடைந்து வெளியேறியதைக் கொண்டாடும் விதமாக, பாதுகாப்பு உடைகளை (PPE kits) அணிந்திருந்த பணியாளர்கள் மகிழ்ச்சியை வெளிப்படுத்தினர்.
இத்துரி (Ituri) மாகாணத்தில் உள்ள இந்த மையத்தில், கடந்த மே மாதம் எபோலா பாதிப்பு கண்டறியப்பட்டதிலிருந்து, தற்போது முதன்முறையாக சிகிச்சை பெறும் நோயாளிகள் எவரும் இல்லாத சூழல் ஏற்பட்டுள்ளதாக அதிகாரிகள் தெரிவித்துள்ளனர்.
இந்தக் கொடிய வைரஸைக் கட்டுப்படுத்த கடுமையாகப் போராடி வரும் மருத்துவப் பணியாளர்களின் தற்காலிக நிம்மதியை இந்தக் காணொளி காட்டுகிறது.
சிகிச்சை மையத்தில் நோயாளிகள் யாரும் இல்லாத நிலை, உள்ளூர் மக்களுக்கு நம்பிக்கையை அளித்துள்ளது. இருப்பினும், வைரஸ் தொடர்ந்து பரவி வருவதால், இந்த நோய் பாதிப்பு இன்னும் முழுமையாக முடிவுக்கு வரவில்லை.
