தரமான கல்வியின் மூலமே சிறந்த குடிமக்கள் உருவாகின்றனர் - பிரதமர் ஹரிணி
ஆரம்பப் பாடசாலை நவீனமயமாக்கல் திட்டத்தின் முதற்கட்டத்தின் கீழ், புத்தளம், இஹல புளியங்குளம் வித்தியா சக்கரவர்த்தி மகா வித்தியாலயத்தில் நிர்மாணிக்கப்பட்ட புதிய கட்டடத்தை மாணவர்களின் பயன்பாட்டுக்காகக் கையளிக்கும் நிகழ்வில், பிரதமர் ஹரிணி அமரசூரிய அவர்கள் கலந்துகொண்டார்.
இதன்போது பேசிய பிரதமர், "வளர்ச்சியடைந்த நாடொன்றைக் கட்டியெழுப்புவதற்குச் சிறந்த குடிமக்கள் அவசியமாவர். சிறந்த குடிமக்கள் தரமான கல்வியின் மூலமே உருவாக்கப்படுகின்றனர்.
ஆசிரியரின் ஒரேயொரு வார்த்தையினால்கூட ஒரு குழந்தையின் எதிர்காலம் முழுமையாகத் தீர்மானிக்கப்படக்கூடும்.
எத்தகைய பௌதிக வளங்களை வழங்கினாலும், வகுப்பறையில் ஆசிரியருக்கும் மாணவருக்குமிடையிலான தொடர்பும் ஆசிரியரின் பங்களிப்புமே ஒரு குழந்தையின் எதிர்காலத்தைத் தீர்மானிப்பதில் மிக முக்கிய பங்கு வகிக்கின்றன."
மாணவர்கள் செயற்பாடுகளை அடிப்படையாகக் கொண்ட கற்றல் அனுபவங்களைப் பெற்றுக்கொள்வதற்குத் தேவையான வசதிகளுடன் அமைக்கப்பட்டுள்ள இப்புதிய கட்டடத்தில், ஸ்மார்ட் பலகைகள் (Smart Boards), செயற்பாட்டு அறைகள் (Activity Rooms), வாசிப்பு அறைகள் (Reading Rooms) மற்றும் சுகாதார வசதிகள் உள்ளடக்கப்பட்டுள்ளமை குறிப்பிடத்தக்கது.
அத்துடன், மாற்றுத்திறனாளி மாணவர்களும் இலகுவாக உட்பிரவேசிக்கக்கூடிய வகையில் நுழைவாயில் அமைக்கப்பட்டுள்ளமையும் ஒரு சிறப்பம்சமாகும் எனப் பிரதமர் இதன்போது குறிப்பிட்டார்.
