ஷேக் ஹசீனாவின் கட்சியைச் சேர்ந்த முன்னாள் அமைச்சருக்கு மரண தண்டனை

2024ம் ஆண்டு நடைபெற்ற எழுச்சியின் போது ஆறு பேர் கொல்லப்பட்ட சம்பவத்தில் தொடர்புடைய, முன்னாள் ஆளும் கட்சியின் மூத்த தலைவர் ஒருவருக்கு வங்கதேச நீதிமன்றம் மரண தண்டனை விதித்துள்ளது. 

அவர் நேரில் ஆஜராகாத நிலையில் இந்தத் தீர்ப்பு வழங்கப்பட்டுள்ளது. அதே வழக்கில், அக்கட்சியின் மேலும் மூன்று தலைவர்களுக்கு ஆயுள் தண்டனை விதிக்கப்பட்டது. 

அதிகாரத்திலிருந்து அகற்றப்பட்ட ஷேக் ஹசீனாவின் 'அவாமி லீக்' கட்சியைச் சேர்ந்த இந்த நால்வரும், குஷ்டியா மாவட்டத்தில் நடைபெற்ற கலவரத்தின் போது ஆறு பேரைக் கொன்ற குற்றத்திற்காகத் தண்டிக்கப்பட்டுள்ளனர். இந்த கலவரமே அப்போதைய பிரதமர் ஷேக் ஹசீனாவின் வீழ்ச்சிக்கு வழிவகுத்தது.

மூவர் அடங்கிய தீர்ப்பாயம், அவாமி லீக் கட்சியின் இணைப் பொதுச் செயலாளரும், ஷேக் ஹசீனாவின் கடுமையான ஆட்சிக் காலத்தில் அமைச்சராகப் பணியாற்றியவருமான முகமது மஹ்பூபுல் ஆலம் ஹனிஃப் என்பவருக்கு மரண தண்டனை விதித்துள்ளது.