டொராண்டோ தங்கக் கொள்ளை வழக்கில் இருவர் மீதான குற்றச்சாட்டுகளை கைவிட்ட வழக்கறிஞர்கள்
2023ம் ஆண்டு டொராண்டோவில் நடந்த ஒரு மாபெரும் தங்கக் கொள்ளையில் ஈடுபட்டதாகக் குற்றம் சாட்டப்பட்ட இருவர் மீதான குற்றச்சாட்டுகளை கனடா அரசு வழக்கறிஞர்கள் கைவிட்டுள்ளனர்.
அமித் ஜலோட்டா மற்றும் அலி ராசா ஆகிய இருவர் மீதான குற்றச்சாட்டுகளும் கடந்த வாரம் திரும்பப் பெறப்பட்டன.
2023ம் ஆண்டு ஏப்ரல் மாதம், டொராண்டோ பியர்சன் விமான நிலையத்திலிருந்து, C$20 மில்லியன் ($14.5 மில்லியன்; £11.6 மில்லியன்) மதிப்புள்ள 6,500க்கும் மேற்பட்ட தங்கக் கட்டிகளும், பல மில்லியன் டாலர் பணமும் திருடப்பட்டன.
ஓராண்டு கழித்து, நாட்டின் வரலாற்றில் நடந்த மிகப்பெரிய தங்கத் திருட்டு எனக் கருதப்படும் இந்தச் சம்பவம் தொடர்பாக தொடர்ச்சியான கைதுகள் நடந்ததாக காவல்துறை அறிவித்தது.
இந்நிலையில்,தங்கள் கட்சிக்காரர்கள் நீண்ட காலமாகத் தாங்கள் நிரபராதிகள் என்று கூறி வந்ததாகவும், இப்போது தங்கள் வாழ்க்கையில் முன்னேறிச் செல்ல முடிவதில் நிம்மதி அடைந்துள்ளதாகவும் இருவரின் வழக்கறிஞர்களும் கனடா ஊடகங்களிடம் தெரிவித்தனர்.
தற்போது கைவிடப்பட்ட குற்றச்சாட்டுகளால், அவர்களின் வாழ்க்கையும் வாழ்வாதாரமும் தலைகீழாகப் புரண்டுவிட்டதாக அந்த வழக்கறிஞர்கள் குறிப்பிட்டுள்ளனர்.
