சுவிற்சர்லாந்தில் வேட்டைக்கு சென்ற இரண்டு சுவிஸ் ஆண்கள் உயிரிழப்பு

54 வயதான சுவிஸ் நாட்டவர் ஒருவர் நேற்று மதியம் வேட்டையாடச் சென்றபோது விபத்தில் சிக்கியுள்ளார்.

காணாமல் போனதாகப் புகார் அளிக்கப்பட்டதைத் தொடர்ந்து அனுப்பப்பட்ட மீட்புக் குழுவினர், டிசினோவின் மலைப்பகுதியில் அந்த நபர் சுயநினைவின்றி இருந்ததைக் கண்டனர்.

வால் டெல்லா போர்டாவின் சரிவில் சுமார் 1,450 மீட்டர் உயரத்தில் அந்த நபர் இறந்த நிலையில் இருந்ததை மீட்புக் குழுவினர் கண்டனர். 

காவல்துறையின் ஆரம்பகட்ட ஆய்வின்படி, 54 வயதான அவர் வேட்டையாடும்போது தவறி விழுந்து உயிரிழந்துள்ளார் என்று தெரிவித்துள்ளனர்.

மேலும், டிசினோவின் பியாஸ்கா அருகே தவறி விழுந்ததில் 69 வயதான வேட்டைக்காரர் ஒருவர் உயிரிழந்தார்.

அவசரக்கால மீட்புப் பணியாளர்கள் உயிர்காக்கும் முயற்சிகளை மேற்கொண்டபோதிலும், அந்த சுவிஸ் நாட்டவர் உயிரிழந்ததாக அறிவிக்கப்பட்டார்.