எகிப்தின் சினாய் பகுதியில் பேருந்து கவிழ்ந்ததில் 16 பேர் மரணம் - 28 பேர் காயம்

எகிப்தின் கிழக்கு சினாய் தீபகற்பத்தில் நடந்த பேருந்து விபத்தில் 16 பேர் உயிரிழந்ததாகவும் 28 பேர் காயமடைந்ததாகவும் சுகாதார அமைச்சகம் தெரிவித்துள்ளது.

தெற்கு சினாயின் கிழக்குக் கடற்கரையில் உள்ள பிரபலமான சுற்றுலா நகரங்களான தஹாப் மற்றும் நுவைபா இடையே இந்த விபத்து இடம்பெற்றுள்ளது.

உயிரிழந்தவர்களில் 10 பேர் ஜோர்டானைச் சேர்ந்தவர்கள் என்று அந்நாட்டின் அரசு தொலைக்காட்சி தெரிவித்துள்ளது.

காயமடைந்தவர்களுக்கு மருத்துவ சிகிச்சை அளிக்கப்பட்டு வருவதாக அதிகாரிகள் தெரிவித்தனர், ஆனால் விபத்துக்கான காரணத்தை அவர்கள் வெளியிடவில்லை.

இந்தப் பகுதி அதன் கடல்சார் பல்லுயிர் வளம், இயற்கை அழகு மற்றும் மலைப் பயணப் பாதைகளுக்குப் பெயர் பெற்ற ஒரு பிரபலமான சுற்றுலாத் தலமாகும்.