தென் கொரியாவில் உள்ள அமெரிக்க இராணுவத் தளத்தில் இரசாயனக் கசிவு
தலைநகர் சியோலுக்கு அருகிலுள்ள அமெரிக்க இராணுவத் தளத்தில் வெள்ளை பாஸ்பரஸ் கசிவு ஏற்பட்டதாகக் கூறப்பட்டதைத் தொடர்ந்து, தென் கொரிய அதிகாரிகள் பொதுமக்களை வெளியேறுமாறு உத்தரவிட்டுள்ளனர்.
ஓசான் விமானப்படைத் தளத்தில் கசிவு கண்டறியப்பட்டதைத் தொடர்ந்து, பியோங்டேக் நகர அதிகாரிகள் அருகிலுள்ள குடியிருப்பாளர்களைப் பாதுகாப்பான இடத்திற்குச் செல்லுமாறும், தோலில் படாமல் இருக்குமாறும் கேட்டுக்கொண்டனர்.
தளத்தில் கிருமி நீக்கும் பணிகள் நிறைவடைந்துவிட்டதாகக் கூறி, சில மணிநேரங்களுக்குப் பிறகு அவர்கள் வெளியேற்ற உத்தரவை விலக்கிக் கொண்டதாக அந்நகரம் அனுப்பிய குறுஞ்செய்திகள் தெரிவிக்கின்றன.
"நாங்கள் இந்த விஷயத்தை மிகுந்த கவனத்துடனும் விரைவாகவும் கையாளுகிறோம்," என்று ராணுவம் தெரிவித்துள்ளது.
வெள்ளை பாஸ்பரஸ் என்பது தீமூட்டும் வெடிமருந்துகள் மற்றும் புகைக் குண்டுகளில் பயன்படுத்தப்படும் ஒரு சர்ச்சைக்குரிய இரசாயனப் பொருளாகும்.
இது பற்றவைக்கப்படும்போது, மிக அதிக வெப்பநிலையில் எரிந்து, கட்டிடங்களுக்குத் தீப்பற்ற வைப்பதுடன், மனித சதையை எலும்பு வரை எரித்துவிடும் திறன் கொண்டது.
இச்செய்திக்கு பிரதான அனுசரணை
வீடியோ இங்கே
