உக்ரைன் முழுவதும் நடந்த ரஷ்யத் தாக்குதல்களில் ஆறு பேர் பலி

உக்ரைனில் கருங்கடல் துறைமுகமான ஒடெசா மற்றும் கிழக்கு நகரமான சுமி மீது ரஷ்யா இரவு முழுவதும் நடத்திய தாக்குதல்களில் ஆறு பேர் கொல்லப்பட்டுள்ளனர்.

ஒடெசா பிராந்தியத்தின் ஆளுநர் ஓலே கிப்பர், ட்ரோன்கள் மற்றும் ஏவுகணைகளைக் கொண்டு நடத்தப்பட்ட இந்த "மிகப்பெரிய" தாக்குதல், ரஷ்யா இப்பகுதியைத் தாக்கும் ஐந்தாவது நாள் என்று குறிப்பிட்டுள்ளார்.

இதற்கிடையில், செவ்வாய்க்கிழமை இரவு கருங்கடலில் 17 எண்ணெய் டேங்கர்கள் உட்பட 20 ரஷ்ய கப்பல்களைத் தங்களது ட்ரோன்கள் தாக்கியதாக உக்ரைனிய இராணுவம் தெரிவித்துள்ளது.

ரஷ்ய பாதுகாப்பு அமைச்சகம், ஒடெசா மீது தாக்குதல் நடத்தியதை உறுதிசெய்ததுடன், "எண்ணெய், கிரீஸ் மற்றும் மசகுப் பொருட்களை இறக்குவதற்குப் பயன்படுத்தப்படும்" துறைமுக உள்கட்டமைப்பை வேண்டுமென்றே குறிவைத்ததாகக் தெரிவித்துள்ளது.