முன்னாள் நாடாளுமன்ற உறுப்பினர் கொலை வழக்கில் கைது செய்யப்பட்ட சந்தேக நபர் விடுதலை

பிரித்தானிய அரசாங்கத்தின் முன்னாள் அமைச்சர் ஆன் விடெகோம்பை கொலை செய்ததாக சந்தேகத்தின் பேரில் கைது செய்யப்பட்ட நபர் விடுவிக்கப்பட்டுள்ளார்.

மேலும், அவர் இனி இந்த விசாரணையின் ஒரு பகுதியாக இல்லை என்றும் காவல்துறை தெரிவித்துள்ளது.

வியாழக்கிழமையன்று தென்மேற்கு இங்கிலாந்தின் கிராமப்புறத்தில் உள்ள விடெகோம்பின் வீட்டில் அவரது உடல் கண்டுபிடிக்கப்படுவதற்கு ஒரு நாள் முன்னதாகவே இந்தக் கொலை நடந்ததாக துப்பறிவாளர்கள் வெளிப்படுத்தியுள்ள நிலையில் இந்த அறிவிப்பு வந்துள்ளது.

டெவன் மற்றும் கார்ன்வால் காவல்துறை, விடெகோம்பின் வீட்டிலிருந்து சுமார் 14.5 கிலோமீட்டர் (ஒன்பது மைல்) தொலைவில் உள்ள நியூட்டன் அபோட்டில், 26 வயதான வெள்ளை இனத்தைச் சேர்ந்த பிரித்தானிய நாட்டவர் ஒருவர் வெள்ளிக்கிழமை கைது செய்யப்பட்டு தற்போது விடுவிக்கப்பட்டதாகக் தெரிவித்துள்ளது.

இந்தக் கொலை "பயங்கரவாதம்" தொடர்பானது அல்லது அரசியல் உள்நோக்கம் கொண்டது என்பதற்கு எந்த ஆதாரமும் கிடைக்கவில்லை என்று காவல்துறை குறிப்பிட்டுள்ளது.

சந்தேக நபர் ஒரு வெள்ளையின ஆண் என நம்பப்படுவதாகவும், பொதுமக்களுக்கு பரவலான ஆபத்து எதுவும் இல்லை என்றும் அவர்கள் மேலும் தெரிவித்தனர்.