சுவிட்சர்லாந்தில் பாதுகாப்புக் கருதி இஸ்லாமிய புர்கா ஆடைக்கு தடை விதிப்பு

சுவிட்சர்லாந்து, பொது இடங்களில் முகத்தை முழுமையாக மூடும் ஆடைகளை அணிவதற்கான நாடு தழுவிய தடையை அதிகாரப்பூர்வமாக அமல்படுத்தியுள்ளது. இந்தச் சட்டம் புர்கா (Burqa) மற்றும் நிகாப் (Niqab) போன்ற முகமூடிகளுக்கு பொருந்தும். 

மேலும், தெருக்கள், கடைகள், உணவகங்கள் மற்றும் பொதுப் போக்குவரத்து உள்ளிட்ட அனைத்து பொது இடங்களிலும் இந்தத் தடை நடைமுறையில் இருக்கும். 

அதேவேளை, உடல்நலக் காரணங்கள், பாதுகாப்பு தேவைகள், கடுமையான வானிலை மற்றும் பாரம்பரிய கலாச்சார நிகழ்வுகள் போன்ற சில குறிப்பிட்ட சூழ்நிலைகளில் இந்தச் சட்டத்திலிருந்து விலக்கு அளிக்கப்பட்டுள்ளது. 

இந்தச் சட்டத்தை ஆதரிப்பவர்கள், இது பொதுப் பாதுகாப்பை மேம்படுத்தவும், சமூக ஒருங்கிணைப்பை வலுப்படுத்தவும் உதவும் எனக் கூறுகின்றனர். 

மறுபுறம், விமர்சகர்கள் இந்த நடவடிக்கை மதச் சுதந்திரம் மற்றும் தனிநபர் விருப்பத் தேர்வை கட்டுப்படுத்தும் வகையில் இருப்பதாகக் கவலை தெரிவித்துள்ளனர்.