சவூதி அரேபியா பயணத்திற்குப் பிறகு ஐக்கிய அரபு அமீரகம் புறப்பட்ட கனடா பிரதமர் கார்னி

கனடா பிரதமர் மார்க் கார்னி, சவூதி அரேபியாவிற்கு மேற்கொண்ட இரண்டு நாள் உத்தியோகப்பூர்வ பயணத்திற்குப் பிறகு, ஜித்தாவிலிருந்து புறப்பட்டுள்ளார்.

26 ஆண்டுகளில் ஒரு கனடா பிரதமர் சவூதி அரேபியாவிற்கு மேற்கொள்ளும் முதல் பயணம் இதுவாகும். இந்தப் பயணத்தின்போது பேசிய கார்னி, சுரங்கம் மற்றும் எரிசக்தி உறவுகளை ஆழப்படுத்துவதற்கு இரு நாடுகளும் சிறந்த நிலையில் இருப்பதாகக் குறிப்பிட்டுள்ளார்.

சவூதி அரேபியாவின் பட்டத்து இளவரசர் முகமது பின் சல்மான், அல்-சலாம் அரண்மனையில் பிரதமரை வரவேற்றார். அங்கு அவர்கள் பல புரிந்துணர்வு ஒப்பந்தங்கள் பரிமாறப்படுவதைக் கண்டனர்.

சவூதி-கனடா ஒருங்கிணைப்புக் குழுவை நிறுவுதல் மற்றும் செயற்கை நுண்ணறிவு மற்றும் திறன் மேம்பாட்டில் முதலீடு செய்தல் ஆகியவை இந்த ஒப்பந்தங்களில் அடங்கும்.

ஒத்துழைப்பை ஆழப்படுத்துவது குறித்த பேச்சுவார்த்தைகளுக்காக, அரசுக்குச் சொந்தமான எண்ணெய் நிறுவனமான சவூதி அராம்கோவின் தலைவர் அமின் நாசரையும் கார்னி சந்தித்தார்.