கனடாவில் உலகக் கிண்ண கால்பந்து போட்டி காரணமாக தடைப்படும் தபால் சேவைகள்

கனடாவில் உலகக் கிண்ணக் கால்பந்து போட்டிகள் ஆரம்பமாகவுள்ள நிலையில், போட்டிகள் நடைபெறும் பகுதிகளுக்கு அருகிலுள்ள குடியிருப்பாளர்களுக்கான தபால் விநியோகத்தில் தற்காலிகத் தாமதங்கள் ஏற்படலாம் என கனடா தபால் திணைக்களம் எச்சரித்துள்ளது.

டொராண்டோ மற்றும் வான்கூவர் ஆகிய நகரங்களில் வார நாட்களில் போட்டிகள் நடைபெறும் போது இந்தச் சேவைத் தடங்கல்கள் ஏற்படக்கூடும் எனத் தெரிவிக்கப்பட்டுள்ளது.

ஜூன் 11 முதல் ஜூலை 19 வரை டொராண்டோவில் போட்டிகள் நடைபெறும் மைதானங்களைச் சுற்றியுள்ள பகுதிகளில் சிறிய அளவிலான தபால் சேவைத் தடங்கல்கள் ஏற்படும் என கனடா தபால் திணைக்களம் விடுத்துள்ள செய்திக்குறிப்பில் தெரிவிக்கப்பட்டுள்ளது.

எனினும், போட்டிகள் நடைபெறும் 5 வார நாட்களிலும் தபால்களை உரிய முறையில் விநியோகிக்க அனைத்து முயற்சிகளும் மேற்கொள்ளப்படும் என தெரிவிக்கப்பட்டுள்ளது.

டொராண்டோவில், போட்டிகள் காரணமாக ஏற்படும் போக்குவரத்து நெரிசல் மற்றும் வீதி மூடல்களால் சில பகுதிகளில் வாழும் மக்கள் பாதிக்கப்படலாம் என எதிர்பார்க்கப்படுகிறது.

இச்செய்திக்கு பிரதான அனுசரணை

வீடியோ இங்கே