அரசியல்வாதிகள் தங்களின் குறுகிய சுயநல லாபங்களுக்காகவும், அதிகாரத்தைக் தக்கவைத்துக் கொள்வதற்காகவும் தொடர்ச்சியாகப் பொய் வாக்குறுதிகளை வழங்கி நாட்டின் மக்களை ஏமாற்றுவதை உடனடியாக நிறுத்த வேண்டும் எனப் பல்வேறு சிவில் அமைப்புகளும் அரசியல் விமர்சகர்களும் கடுமையான குற்றச்சாட்டுகளை முன்வைத்துள்ளனர்.

நெருக்கடியான காலகட்டங்களிலும் கூட உண்மைகளை மறைத்து, மக்களைத் திசைதிருப்பும் பொய் அரசியலானது இன்று ஒட்டுமொத்த தேசத்திற்கும் மிகப்பெரிய பேரழிவாக மாறியுள்ளதாக அவர்கள் சுட்டிக்காட்டியுள்ளனர்.

தேர்தல்கால வாக்குறுதிகள் எவையும் நிறைவேற்றப்படுவதில்லை என்றும், ஆட்சிக்கு வந்த பின்னர் பொருளாதார மற்றும் சமூகக் கொள்கைகளில் மக்களை ஏமாற்றும் நடவடிக்கைகளே தொடர்வதாகவும் குற்றம் சாட்டப்பட்டுள்ளது.

நாட்டின் உண்மையான நிதி நிலைமைகளை மக்களுக்குத் தெளிவுபடுத்தாமல், போலியான வாக்குறுதிகள் மூலம் வாக்குகளைப் பெற்றதன் விளைவே இன்று நாடு சந்தித்து வரும் மிக மோசமான பொருளாதார வீழ்ச்சிக்கு முதன்மைக் காரணம் என விமர்சகர்கள் சுட்டிக்காட்டுகின்றனர்.

இனியும் போலியான பிரச்சாரங்களை நம்பி ஏமாற மக்கள் தயாராக இல்லை என்றும், கொள்கை ரீதியான மற்றும் வெளிப்படைத்தன்மையான அரசியல் கலாசாரம் ஒன்றே இந்த பேரழிவிலிருந்து நாட்டை மீட்கும் என்றும் சமூக ஆர்வலர்கள் வலியுறுத்தியுள்ளனர்.

நாட்டின் தற்போதைய அரசியல் சூழலில், அரசாங்கமும் எதிர்க்கட்சிகளும் தங்களின் அரசியல் நாடகங்களை விடுத்து, மக்களின் உண்மையான பிரச்சினைகளுக்குத் தீர்வுகாண முன்வர வேண்டும் என்ற கோரிக்கை பரவலாக எழுந்துள்ளமை குறிப்பிடத்தக்கது.

லங்கா4 (Lanka4)

(வீடியோ இங்கே )