2026 ஆம் ஆண்டுக்கான அரச வெசாக் உற்சவம் மற்றும் வெசாக் வாரம் பிரகடனப்படுத்தப்பட்டுள்ளமை, அதற்கான விசேட விடுமுறை தினங்கள் குறித்து பொது நிர்வாக, உள்நாட்டலுவல்கள் அமைச்சு அதிவிசேட வர்த்தமானி அறிவித்தல் ஒன்றை வெளியிட்டுள்ளது.

அத்துடன், வெசாக் காலப்பகுதியில் பிளாஸ்டிக் மற்றும் பொலித்தீன் பயன்பாட்டைத் தடை செய்து மத்திய சுற்றாடல் அதிகார சபையும் விசேட உத்தரவைப் பிறப்பித்துள்ளது.

அமைச்சரவை தீர்மானத்திற்கு இணங்க, இம்முறை வெசாக் வாரம் மே மாதம் 27ஆம் திகதி முதல் ஜூன் மாதம் 2ஆம் திகதி வரை பிரகடனப்படுத்தப்பட்டுள்ளது.

மகா நாயக்க தேரர்களின் ஆலோசனையின் பேரில், இவ்வருட வெசாக் புoya தினம் மே மாதம் 30ஆம் திகதி அனுஷ்டிக்கப்படவுள்ளது. அரச வெசாக் உற்சவத்தின் உத்தியோகபூர்வ நிகழ்வுகள் அன்றைய தினம் நடைபெறவுள்ளதால், அதற்கு அடுத்த நாளான மே மாதம் 31ஆம் திகதி (ஞாயிற்றுக்கிழமை) அரசாங்க விடுமுறை தினமாக பிரகடனப்படுத்தப்பட்டுள்ளது.

இவ்வருட அரச வெசாக் பண்டிகையின் பிரதான நிகழ்வுகள் மாத்தறை மாவட்டம், கம்புறுபிட்டிய, திஹகொட மிதெல்லவல புராண விகாரையில் நடத்துவதற்குத் தீர்மானிக்கப்பட்டுள்ளது.

லங்கா4 (Lanka4)

(வீடியோ இங்கே )