வழக்குகளால் பெரும் சிக்கலில் ஊசிக் கட்சி வைத்தியர் - என்ன ஆகுமோ?
என்ன தான் சொன்னாலும் அருச்சுனா இராமநாதனுக்கு இருக்கிற வெள்ளி திசையை பாத்து யாரும் பொறாமை படாமல் இருக்க முடியாது.
வேலையை இராஜினாமா செய்யாமல் பாராளுமன்றத்துக்கு நியமன பத்திரம் தாக்கல் செய்ததுக்கு எதிராக ஓஷலா கேரத் என்ற ஒருவர் போட்ட வழக்கு இன்னமும் தட்டுத்தடுமாறி நகர்கின்றது.
போன தவணையில் போது, அருச்சுனா பக்கத்து நியாயங்களை நீதிமன்றத்துக்கு சமர்ப்பித்து மார்ச்சு மாதம் 26 அன்று விசாரணை நடப்பதாக இருந்தது.
ஆனால் அருச்சுனா பக்கம் அதை செய்யவில்லை. இன்று நீதிமன்றத்துக்கு போய் ஏதோ காரணங்களை சொல்லி வழக்கு அடுத்த தவணை எடுத்துள்ளார்கள்.
விசாரணை ஜூலை மாதம் தான் நடக்குமாம்! நாடாளுமன்ற உறுப்பினர் அர்ச்சுனா ராமநாதன், தனது பதவியில் நீடிப்பதற்கான தகுதியை சவாலுக்கு உட்படுத்தி தாக்கல் செய்யப்பட்ட ‘குவோ வாரண்டோ’ மனு மீதான வாதங்களுக்காக, மேல்முறையீட்டு நீதிமன்றம் இன்று 2026 ஜூலை 2 ஆம் திகதியை நிர்ணயித்தது.
மேல்முறையீட்டு நீதிமன்ற நீதியரசர்களான மாயாதுன்ன கொரியா மற்றும் மஹேன் கோபல்லாவ ஆகியோர் முன்னிலையில் இந்த வழக்கு இன்று எடுத்துக்கொள்ளப்பட்டது.
வழக்கின் பின்னணி
அபிநவ நிவாஹல் முன்னணியின் தலைவர் ஓஷல ஹேரத் இந்த மனுவைத் தாக்கல் செய்திருந்தார். நாடாளுமன்ற உறுப்பினர் அர்ச்சுனா ராமநாதன், கடந்த பொதுத் தேர்தலில் வேட்புமனுத் தாக்கல் செய்தபோது, அவர் இன்னும் ஒரு அரசு மருத்துவ அதிகாரியாகப் பணியாற்றி வந்ததாக மனுதாரர் தரப்பில் தெரிவிக்கப்பட்டுள்ளது.
அரசாங்க சேவையில் இருந்து விலகாமல் வேட்புமனுத் தாக்கல் செய்வது நாடாளுமன்றத் தேர்தல் சட்டத்தின் விதிகளை மீறுவதாகும் என மனுதாரர் வாதிடுகிறார்.
நீதிமன்ற நடவடிக்கைகள்
எதிர்தரப்பு வாதம்: முதலாம் எதிர்மனுதாரரான நாடாளுமன்ற உறுப்பினர் அர்ச்சுனா ராமநாதன் சார்பில் ஆஜரான சட்டத்தரணி, தனது தனிப்பட்ட கோப்புகளை இன்னும் பெற்றுக்கொள்ளவில்லை எனத் தெரிவித்து, ஆட்சேபனைகளைத் தாக்கல் செய்ய மேலதிக கால அவகாசம் கோரினார்.
அரச தரப்பு விளக்கம்: அந்த தனிப்பட்ட கோப்பு தற்போது சம்பந்தப்பட்ட அமைச்சின் வசம் இருப்பதாகவும், குறிப்பிட்ட நிபந்தனைகளுக்கு உட்பட்டு எதிர்மனுதாரர் அதனைப் பெற்றுக்கொள்ள முடியும் என்றும் அரச தரப்பு சட்டத்தரணி நீதிமன்றத்திற்குத் தெரிவித்தார்.
மனுதாரர் தரப்பு குற்றச்சாட்டு: எதிர்மனுதாரர் காலதாமதப்படுத்தும் உத்தியைக் கையாண்டு தொடர்ச்சியாக அவகாசம் கோருவதாகவும், இந்தத் தாமதம் அவருக்குச் சாதகமாக அமைவதாகவும் மனுதாரர் தரப்பு சட்டத்தரணி வாதிட்டார். எனினும், அர்ச்சுனா ராமநாதன் தரப்பு சட்டத்தரணி இந்தக் குற்றச்சாட்டை மறுத்தார்.
இறுதி முடிவு
ஆட்சேபனைகளைத் தாக்கல் செய்வதற்கு முதலாம் எதிர்மனுதாரருக்கு நீதிமன்றம் இறுதித் திகதியை வழங்கியதுடன், மனு மீதான வாதங்களை 2026 ஜூலை 2 ஆம் திகதிக்கு ஒத்திவைத்தது.
சட்டத்தரணிகள் விபரம்
மனுதாரர் ஓஷல ஹேரத் சார்பில்: சட்டத்தரணி என்.கே. அசோக்பரன்
நாடாளுமன்ற உறுப்பினர் அர்ச்சுனா ராமநாதன் சார்பில்: சட்டத்தரணி சேனானி தயா ரத்ன
(வீடியோ இங்கே )
இச்செய்திக்கு பிரதான அனுசரணை
வீடியோ இங்கே
