பேருந்து தீ விபத்து: சுவிஸில் 6 பேர் உயிரிழந்த சம்பவம்!

சுவிற்சர்லாந்தில் பொதுப் போக்குவரத்து பேருந்தில் ஏற்பட்ட தீ விபத்தில் குறைந்தது 6 பேர் உயிரிழந்துள்ளனர். மேலும் நான்கு பயணிகள் மற்றும் ஒரு அவசர மருத்துவ பணியாளர் காயமடைந்துள்ளதாக அதிகாரிகள் தெரிவித்துள்ளனர். 

காயமடைந்தவர்களில் மூவர் உயிர் ஆபத்தான நிலையில் சிகிச்சை பெற்று வருகின்றனர். இந்த சம்பவம் Kerzers பகுதியில் செவ்வாய்கிழமை 10.03.2026 மாலை சுமார் 6:30 மணியளவில் நடைபெற்றது.

இந்த நகரம் Bern நகரத்திலிருந்து சுமார் 20 கிலோமீட்டர் மேற்கில் அமைந்துள்ளது. Kantonspolizei Freiburg தெரிவித்ததாவது, இந்த தீ விபத்து மனித செயலில் இருந்து ஏற்பட்டிருக்கலாம் என்ற சந்தேகம் உள்ளது. 

பேருந்துக்குள் இருந்த ஒருவரின் திட்டமிட்ட செயலால் தீ ஏற்பட்டிருக்கலாம் என ஆரம்பக் குறிக்கோள்கள் இருப்பதாக போலீஸ் கூறியுள்ளது. ஆனால் சம்பவத்தின் முழுமையான பின்னணி இன்னும் தெளிவாகவில்லை.

சில ஊடகங்களில், குறிப்பாக Blick வெளியிட்ட தகவலின்படி, ஒரு நபர் பேருந்துக்குள் பெட்ரோல் ஊற்றி தன்னைத் தானே தீ வைத்துக் கொண்டதாக ஒரு கண் சாட்சியாளர் கூறியதாக தெரிவிக்கப்பட்டுள்ளது. 

அதிகாரிகள் இதுவரை உறுதிப்படுத்தவில்லை. தீ விபத்தில் சிக்கிய பேருந்து முழுவதுமாக எரிந்து சேதமடைந்தது. அந்த பேருந்து PostAuto நிறுவனத்துக்குச் சொந்தமான பொதுப் போக்குவரத்து பேருந்தாகும்.

சம்பவ இடத்திற்கு பல அவசர மருத்துவ வாகனங்களும் ஒரு மீட்பு ஹெலிகாப்டரும் அனுப்பப்பட்டன. உயிரிழந்தவர்களின் அடையாளம் காணும் பணிகள் தற்போது நடைபெற்று வருகின்றன. 

இந்தச் சம்பவம் பயங்கரவாதத் தாக்குதலா என்பது குறித்தும் அதிகாரிகள் இதுவரை எந்தத் தகவலையும் வெளியிடவில்லை.

 நன்றி 

செய்தி இணுவையூர் மயூரன்

செய்திகளை அறிய தொடர்ந்தும் https://www.lanka4.com/ ஊடகத்துடன் இணைந்திருங்கள்

இச்செய்திக்கு பிரதான அனுசரணை

வீடியோ இங்கே