சுற்றுலா, உற்பத்தி மற்றும் விவசாயத் துறைகளில் முதலீடு செய்பவர்களுக்கு வரி விலக்கு வழங்க தீர்மானம்!

சுற்றுலா, உற்பத்தி மற்றும் விவசாயத் துறைகளில்  முதலீடு செய்பவர்களுக்கு 10 ஆண்டுகள் வரை வரிச் சலுகைகளை வழங்க அரசாங்கம் முடிவு செய்துள்ளது. 

 நிதி, பொருளாதார நிலைப்படுத்தல் மற்றும் தேசிய கொள்கைகள் அமைச்சராக ஜனாதிபதி அனுர குமார திசாநாயக்க இதற்கான உத்தரவை பிறப்பித்துள்ளதாக தகவல்கள் தெரிவிக்கின்றன. 

 புதிய உத்தரவின் கீழ், 50 மில்லியன் அமெரிக்க டொலர்கள் முதல் 300 மில்லியன் அமெரிக்க டொலர்கள் வரையிலான முதலீடுகளுக்கு வரிச் சலுகைகள் வழங்கப்படும்.

 தகுதியான திட்டங்கள் குறைந்தபட்சம் 50 உள்ளூர் வேலை வாய்ப்புகளை உருவாக்க வேண்டும் என்று நிதி, பொருளாதார நிலைப்படுத்தல் மற்றும் தேசிய கொள்கைகள் அமைச்சகம் தெரிவித்துள்ளது. 

 தகுதிவாய்ந்த முதலீடுகளுக்கு ஐந்து முதல் பத்து ஆண்டுகள் வரையிலான காலத்திற்கு பெருநிறுவன வருமான வரி விலக்குகளை வழங்க முன்மொழியப்பட்டுள்ளது. 

 மேலும், இந்தத் திட்டங்களைச் செயல்படுத்துவதற்குத் தேவையான மூலதனப் பொருட்கள் மற்றும் கட்டுமானப் பொருட்களை இறக்குமதி செய்வதற்கும் வரிச் சலுகைகள் வழங்கப்படும் என்று நிதி அமைச்சகம் தெரிவித்துள்ளது.

இச்செய்திக்கு பிரதான அனுசரணை

வீடியோ இங்கே