CID எனக் கூறி புத்தர் சிலையை திருடிச் சென்ற 14 பேர் கைது!

கஹபத்வல பகுதியில் உள்ள ஒரு கோவிலில் இருந்து பழங்கால மதிப்புள்ள புத்தர் சிலை திருடப்பட்ட சம்பவம் தொடர்பாக 14 பேர் கைது செய்யப்பட்டுள்ளனர்.

மாவதகம காவல் பிரிவுக்குள் உள்ள கெபிலிதிகொட புராண ரஜ மகா விஹாரையின் துறவிகள் இல்லத்தில் வைக்கப்பட்டிருந்த புத்தர் சிலை திருடப்பட்டுள்ளதாக ஜனவரி 28, 2026 அன்று கிடைத்த தகவலைத் தொடர்ந்து பொலிஸார் விசாரணைகளை ஆரம்பித்திருந்தனர். 

குற்றப் புலனாய்வுத் துறை (சிஐடி) அதிகாரிகள் என்று பொய்யாகக் கூறிக்கொண்ட நான்கு பேர், சம்பவம் நடந்த இரவு கோயிலுக்குச் சென்று, விசாரணைக்குத் தேவை என்று கூறி குறித்த புத்தர் சிலையை களவாடி சென்றமை தெரியவந்தது. 

தொடர் விசாரணைகளை குற்றவாளிகளாக கருதப்படும் 14 பேர் நேற்று கைது செய்யப்பட்டுள்ளதாக தெரிவிக்கப்படுகிறது.  அவர்கள் 22 முதல் 56 வயதுக்குட்பட்டவர்கள் என்றும் பொலிஸார் அறிவித்துள்ளனர். 

சந்தேக நபர்கள் நேற்று பிலேஸ்ஸ நீதவான் நீதிமன்றத்தில் ஆஜர்படுத்தப்பட்டு 2026 பிப்ரவரி 13 வரை விளக்கமறியலில் வைக்கப்பட்டனர். சம்பவம் தொடர்பாக மாவதகம பொலிஸார் மேலதிக விசாரணைகளை மேற்கொண்டு வருகின்றனர்.