நாமலுக்கு எதிரான பணமோசடி வழக்கு விசாரணை ஒத்திவைப்பு!

பாராளுமன்ற உறுப்பினர் நாமல் ராஜபக்ஷவுக்கு எதிரான பணமோசடி தொடர்பான வழக்கை  ஜூலை 30 ஆம் திகதி மீண்டும் விசாரணைக்கு எடுத்துக்கொள்ள கொழும்பு நீதவான் நீதிமன்றம் உத்தரவிட்டுள்ளது.

 இந்த முறைப்பாடு இன்று (29) கொழும்பு தலைமை நீதவான் அசங்க எஸ். போதரகம முன்னிலையில் அழைக்கப்பட்டபோது, ​​ நாமல் ராஜபக்ஷ உட்பட நான்கு சந்தேக நபர்கள் நீதிமன்றத்தில் ஆஜரானார்கள். 

 அப்போது, ​​இந்த சம்பவம் தொடர்பான சட்டமா அதிபரின் அறிவுறுத்தல்கள் இன்னும் கிடைக்கவில்லை என்று குற்றப் புலனாய்வுத் துறை நீதிமன்றத்திற்குத் தெரிவித்தது. 

 அதன்படி, ஜூலை 30 ஆம் திகதி முறைப்பாட்டை  மீண்டும் விசாரிக்க உத்தரவிட்ட நீதவான், அறிவுறுத்தல்கள் குறித்த சட்டமா அதிபரின் நிலைப்பாட்டை அன்றைய தினம் தெரிவிக்க உத்தரவிட்டார். 

 2016 ஆம் ஆண்டு ஒரு நிறுவனத்தை நடத்தி நாடாளுமன்ற உறுப்பினராக இருந்து சட்டவிரோதமாக சம்பாதித்த பணத்தை மோசடி செய்ததாக குற்றம் சாட்டி தாக்கல் செய்யப்பட்ட முறைப்பாட்டைத் தொடர்ந்து இந்த விசாரணை நடத்தப்படுகிறது.

இப்படியான செய்திகளை அறிய தொடர்ந்தும் https://www.lanka4.com/ ஊடகத்துடன் இணைந்திருங்கள்