போலி ஆவணங்களை பயன்படுத்தி அரச வங்கியில் 04 கோடி ரூபாய் கடன் பெற்ற பெண் கைது!

போலி ஆவணங்களை தயாரித்து அரச வங்கியின் ஊடாக கடன் வழங்கும் திட்டத்தின் கீழ் 4 கோடி ரூபாவிற்கும் அதிகமான பணத்தை மோசடி செய்த பெண் ஒருவர் கைது செய்யப்பட்டுள்ளார். 

ஹிந்தகல பிரதேசத்தில் வசிக்கும் ஓய்வுபெற்ற தலைமையாசிரியர் ஒருவர் குற்றப் புலனாய்வு திணைக்களத்தின் பொது முறைப்பாடு பிரிவின் அதிகாரிகளால் கைது செய்யப்பட்டுள்ளதாக பொலிஸார் தெரிவித்துள்ளனர். 

குறித்த பெண் 26 முறை 26 பேரின் பெயர்களை பயன்படுத்தி போலி ஆவணங்களை உருவாக்கி இந்த நிதி மோசடியை செய்துள்ளார்.  

அரச வங்கியினால் அறிமுகப்படுத்தப்பட்ட கடன் திட்டத்தின் கீழ் கண்டி பிரதேசத்தைச் சேர்ந்த பல கிளைகளில் பணம் மோசடி செய்யப்பட்டுள்ளதாக முறைப்பாடு செய்யப்பட்டமை தொடர்பில் குற்றப் புலனாய்வு திணைக்களத்தின் பொது முறைப்பாடு பிரிவு விசாரணைகளை ஆரம்பித்திருந்தது.  

அங்கு, 26 பேரின் பெயர்களை பயன்படுத்தி, 26 முறை போலி ஆவணங்கள் தயாரித்து, 200 கோடி ரூபாய் மோசடி செய்ததாக, மனுதாரர் தெரிவித்துள்ளார்.  

அக்டோபர் 21, 2019 அன்று, இதே கடன் திட்டத்தின் கீழ் 17 லட்சம் ரூபாய் கடன் வாங்கிய பெண்ணிடம் நடத்திய சோதனையில், ரோஸ் விர்ஜினியா டயஸ் என்ற பெண் போலி ஆவணங்கள் தயாரித்து கடன் பெற்றுள்ளதாக தெரிவித்துள்ளார். 

அவரிடம் நடத்தப்பட்ட விசாரணையில், தயாவதி என்ற ஓய்வுபெற்ற தலைமை ஆசிரியையே   இந்த போலி ஆவணங்களை தயாரித்திருப்பது தெரியவந்தது. அந்தக் கடன் திட்டத்தின் கீழ் கடன் பெற, விண்ணப்பதாரர் ஆசிரியராகவும், உத்தரவாததாரர்களாகத் தோன்றும் நபர்களும் ஆசிரியர்களாகவும் இருக்க வேண்டும் எனவும் தெரிவிக்கப்படுகிறது. 

ஆகவே குறித்த ஆசிரியர் பொய்யான பெயர்களை பயன்படுத்தி 26 முறை மோசடி சம்பவத்தில் ஈடுபட்டுள்ளது தெரியவந்துள்ளது. சம்பவம் தொடர்பில் குற்றப் புலனாய்வுப் பிரிவின் பொது முறைப்பாடு பிரிவு விசாரணைகளை மேற்கொண்டு வருவதுடன், சந்தேகநபர்  கைது செய்யப்பட்டு விளக்கமறியலில் வைக்கப்பட்டுள்ளார்.