பாகிஸ்தானில் கார்-வேன் நேருக்கு நேர் மோதிய விபத்தில் 12 பேர் பலி

பாகிஸ்தானின் சிந்து மாகாணத்தில் உள்ள சுக்கூர் நகரில் இருந்து கைர்பூர் நோக்கி வேன் ஒன்று சென்று கொண்டிருந்தது. இருப்பினும், வேன் பாபர்லோய் பகுதியில் நெடுஞ்சாலையை நெருங்கியபோது, ​​ஓட்டுநரின் கட்டுப்பாட்டை இழந்ததால், அது நிலைதடுமாறி எதிரே வந்த கார் மீது வேகமாக மோதியது.

இந்த கோர விபத்தில் 7 பேர் சம்பவ இடத்திலேயே பலியாகினர். இதனையடுத்து மீட்பு படையினர் அங்கு விரைந்து சென்று படுகாயம் அடைந்த 16 பேரை மீட்டு சிகிச்சைக்காக ஆஸ்பத்திரிக்கு அனுப்பி வைத்தனர்.

அங்கு சிகிச்சை பலனின்றி 5 பேர் பரிதாபமாக உயிரிழந்தனர். மருத்துவமனையில் சிலரின் நிலை கவலைக்கிடமாக இருப்பதால் பலி எண்ணிக்கை மேலும் உயரும் என அஞ்சப்படுகிறது.