பிறந்த குழந்தையை பார்க்கச் சென்று திரும்பியவர் மீது துப்பாக்கிச்சூடு!

காலி, அஹுங்கல்ல பகுதியில் இன்று (11) காலை இடம்பெற்ற துப்பாக்கிச் சூட்டில் ஒருவர் காயமடைந்துள்ளார்.

 பிரசவம் முடிந்து பலபிட்டிய வைத்தியசாலையில் இருந்து மனைவி மற்றும் பிறந்த குழந்தையைப் பார்ப்பதற்காக சென்று மீண்டும் திரும்பிக்கொண்டிருந்த நபர் ஒருவர் மீது துப்பாக்கிச் சூடு நடத்தப்பட்டுள்ளது.

 முச்சக்கரவண்டியில் பயணித்த நபர் ஒருவரை காரில் இருந்து வந்த நபர் ஒருவர் துப்பாக்கியால் சுட்டுவிட்டு கைத்துப்பாக்கியுடன் தப்பிச் சென்றுள்ளார்.

 துப்பாக்கிச் சூட்டுக்கு இலக்கான நபர் 38 வயதான சுபுன் விதுர தாரக என்பவரே கழுத்து மற்றும் கை ஆகிய பகுதிகளில் காயமடைந்துள்ளார்.

 பலப்பிட்டி ஆதார வைத்தியசாலையில் அனுமதிக்கப்பட்ட பின்னர், மேலதிக சிகிச்சைக்காக கராப்பிட்டிய போதனா வைத்தியசாலைக்கு மாற்றப்பட்டுள்ளார்.

 பொலிஸாருக்கு கிடைத்த தகவலின்படி, துப்பாக்கிச் சூடு நடத்தியவர்களிடமிருந்து வந்ததாக சந்தேகிக்கப்படும் போலி இலக்கத் தகடுகள் கொண்ட கார் பெந்தர தெட்டுவ பிரதேசத்தில் கைவிடப்பட்ட நிலையில் கண்டுபிடிக்கப்பட்டுள்ளது.

 உத்தியோகபூர்வ பொலிஸ் நாய் விசாரணைக்காக பயன்படுத்தப்பட்டது, மேலும் நாய் அப்பகுதியில் கைவிடப்பட்ட வீட்டில் நிறுத்தப்பட்டாலும், எதுவும் கிடைக்கவில்லை. துப்பாக்கிச் சூட்டில் காயமடைந்த நபர் கொஸ்கொட சுஜீயின் உறவினர் என பொலிஸார் சந்தேகிக்கின்றனர்.

 மேலும், கந்து வட்டிக்காரரான இவருக்கு கடந்த 2017ஆம் ஆண்டு நபர் ஒருவரைத் தாக்கியமை தொடர்பில் தகராறு ஏற்பட்டதாகவும், கடந்த காலங்களில் அவருக்கு உயிருக்கு அச்சுறுத்தல் இருந்ததாகவும் தெரிவிக்கப்படுகிறது.

 இதேவேளை, தென் மாகாணத்தில் இடம்பெற்ற துப்பாக்கிச் சூட்டுச் சம்பவங்களில் பெரும்பாலானவை வாடகைக் துப்பாக்கிச் சூடு நடத்தியவர்களினால் மேற்கொள்ளப்பட்டுள்ளதாக பொலிஸார் தெரிவித்துள்ளனர்.

 பல கிரிமினல் கும்பல்களில் இது ஒரு புதிய போக்காக மாறியுள்ளது என்றும், இவ்வாறு பயன்படுத்தப்படுபவர்களில் பெரும்பாலானவர்கள் ராணுவம் மற்றும் கடற்படை வீரர்கள் என்றும் மூத்த காவல்துறை அதிகாரி ஒருவர் குறிப்பிட்டுள்ளார்.