மது போத்தல்களில் ஸ்டிக்கர் மோசடி: 80 பில்லியன் ரூபா வரி ஏய்ப்பு

மது போத்தல்களில் ஸ்டிக்கர் ஒட்டும் மோசடியில் ஈடுபட்டுள்ள ஒரு ஒழுங்கமைக்கப்பட்ட குழு வருடாந்தம் 80 பில்லியன் ரூபா வரி ஏய்ப்பு செய்வதாக பாரிய குற்றச்சாட்டு எழுந்துள்ளதாகவும், இந்த மோசடியாளர்கள் தப்பிச் செல்ல இடமளிக்க மாட்டார்கள் எனவும் பாராளுமன்ற உறுப்பினர் கலாநிதி ஹர்ஷ டி சில்வா வலியுறுத்துகின்றார். 

 கொழும்பில் நடைபெற்ற செய்தியாளர் சந்திப்பில், மது போத்தல்களில் டிஜிட்டல் குறியீட்டை அச்சிடுவதா அல்லது ஸ்டிக்கர்களை ஒட்டுவதா என்பது குறித்து முறையான மதிப்பீடு செய்யாமல் 2019ஆம் ஆண்டு முதல் பாதுகாப்பு ஸ்டிக்கர் ஒட்டுதல் நடைமுறைப்படுத்தப்பட்டு வருவதாக அவர் வலியுறுத்தினார்.

 “இப்போது 85% மதுபான பாட்டில்களில் டிஜிட்டல் குறியீடு உள்ளது. 15% ஸ்டிக்கர்கள். மோசடி குற்றச்சாட்டுகள் காரணமாக சுமார் 100,000 மது போத்தல்கள் கைப்பற்றப்பட்டுள்ளன. இதில் கலால் உயர் அதிகாரிகளுக்கு தொடர்பு இருப்பதாக பலரும் கூறுகின்றனர்.

 இந்த மோசடியால் அரசாங்கம் சுமார் 40% வரியை இழக்க நேரிடுவதாகக் குற்றம் சுமத்தப்படுவதாகவும், இது தொடர்பில் ஆழமாக ஆராய்ந்து மோசடி செய்பவர்களுக்கு எதிராக நடவடிக்கை எடுக்கத் தயார் எனவும் கலாநிதி ஹர்ஷ டி சில்வா இங்கு வலியுறுத்தினார்.