பம்லப்பிட்டி புகையிரத நிலையத்தின் மேம்பாலத்தை விரைவாக அமைக்குமாறு ஜனாதிபதி உத்தரவு!

பம்பலப்பிட்டி புகையிரத நிலையத்தில் பழுதடைந்துள்ள பயணிகள் மேம்பாலத்திற்கு பதிலாக புதிய பாலம் ஒன்றை விரைவாக அமைக்குமாறு ஜனாதிபதி பணிப்புரை விடுத்துள்ளதாக ஜனாதிபதி ஊடகப் பிரிவு தெரிவித்துள்ளது. 

ஜனாதிபதி ஊடகப் பிரிவு விடுத்துள்ள அறிவிப்பில், போக்குவரத்து மற்றும் நெடுஞ்சாலைகள் அமைச்சின் செயலாளர் எம்.எம்.பி.கே. என்று  மாயாதுன்னே தெரிவித்துள்ளார்.  

அதுவரை 10 நாட்களுக்குள் தற்காலிக அணுகு வீதியை அமைக்குமாறும் ஜனாதிபதி பணிப்புரை விடுத்துள்ளார். 

தற்போதுள்ள மேம்பாலத்தை இடித்துத் தள்ளுமாறு பணிப்புரை விடுத்துள்ள ஜனாதிபதி, இதனை அவசரத் தேவையாகக் கருதி, 50 மில்லியன் ரூபா ஒதுக்கப்படும் என அரச அபிவிருத்தி மற்றும் வடிவமைப்பு சட்டப்பூர்வ கூட்டுத்தாபனத்திற்கு அறிவித்துள்ளதாக ஜனாதிபதி ஊடகப் பிரிவு தெரிவித்துள்ளது. 

வடிவமைப்பு மற்றும் நிர்மாணப் பணிகள் வீதி அபிவிருத்தி அதிகாரசபையின் மேற்பார்வையில் இடம்பெறவுள்ளதுடன், இந்த நடவடிக்கைகள் அனைத்தையும் இன்று முதல் ஆரம்பிக்குமாறு ஜனாதிபதி மேலும் பணிப்புரை விடுத்துள்ளார்.