வாகன இறக்குமதி தடையால் பெரும் சவால்களுக்கு மத்தியில் சுங்கத்துறை!

சுங்கத்துறைக்கு கிடைக்கும் வரி வருமானத்தில் 25% வாகன இறக்குமதி மூலம் கிடைப்பதாகவும், அதற்கு விதிக்கப்பட்டுள்ள கட்டுப்பாடுகள் காரணமாக சுங்க வருமான இலக்குகள் பெரும் சவால்களுக்கு முகங்கொடுக்க வேண்டியுள்ளதாகவும் நிதி இராஜாங்க அமைச்சர் ரஞ்சித் சியம்பலாபிட்டிய தெரிவித்துள்ளார்.

 பாராளுமன்ற துறைசார் கண்காணிப்புக் குழுவில் அண்மையில் வெளிப்படுத்தப்பட்ட இந்த வருடத்திற்கான சுங்க வருமான இலக்குகளை நோக்கி நகர முடியாத நிலை குறித்து இன்று (09) ருவன்வெல்ல பிரதேசத்தில் ஊடகங்களுக்கு கருத்து தெரிவிக்கும் போதே அமைச்சர் இந்த விடயங்களை வெளிப்படுத்தினார்.

 மேலும் கருத்து தெரிவித்த அரச நிதியமைச்சர் கலாநிதி ரஞ்சித் சியம்பலாபிட்டிய,

 இந்த வருடத்தின் இலக்கு சுங்க வருமானம் 1220 பில்லியன் ரூபாவாக இருந்தது, ஆனால் 2018 ஆம் ஆண்டில், பொருளாதாரம் சாதாரணமாக இருந்தபோது, ​​918 பில்லியன் ரூபா மட்டுமே சுங்க வருமானமாக ஈட்டப்பட்டது. 

இவ்வருடம் 1220 பில்லியன் ரூபா வருமானத்தை இலக்காகக் கொடுத்து சுங்கத்தின் பிரதான வருமானமாக இருந்த பொருட்களின் இறக்குமதி மூடப்பட்டுள்ளது.