குருந்தூர் விவகாரம் மாபெரும் இனக்கலவரம் ஏற்பட வாய்ப்பு: எச்சரிக்கை விடுத்த இந்திய உளவுத்துறை

#India #SriLanka #Mullaitivu
Mayoorikka
9 months ago
குருந்தூர் விவகாரம் மாபெரும் இனக்கலவரம் ஏற்பட வாய்ப்பு: எச்சரிக்கை விடுத்த இந்திய உளவுத்துறை

முல்லைத்தீவு குருந்திமலை ஆலயத்தில் குழப்பங்கள் மற்றும் அமைதியின்மையை ஏற்படுத்துவதில் ஈடுபட்டுள்ள அனைத்து தரப்பினர் மற்றும் தனிநபர்கள் தொடர்பான தகவல்களை சேகரித்து செயற்படுத்துமாறு புலனாய்வுப் பிரிவினர் தமது செயற்பாட்டாளர்களுக்கு உத்தரவு பிறப்பித்துள்ளனர். 

 கோவிலைப் பற்றிய சர்ச்சைகள் மற்றும் சர்ச்சைகளால் உருவாக்கப்படும் உடனடி கலவரங்கள் குறித்து எச்சரிக்கும் இந்திய உளவுத்துறையினரின் அறிக்கைகளை தொடர்ந்தே அவர்கள் இந்த உத்தரவை பிறப்பித்துள்ளனர்.

 குருந்திமலை கோவில் வளாகத்திற்கு உரிமை கோரும் வகையில் பௌத்தர்களையும் இந்துக்களையும் தூண்டும் அரசியல் கட்சிகள் மற்றும் செயற்பாட்டாளர்களை கண்காணிக்கவே இந்த உத்தரவு பிறப்பிக்கப்பட்டுள்ளதாக சிரேஷ்ட புலனாய்வு அதிகாரிகள் தெரிவித்தனர். 2019ஆம் ஆண்டு ஜனாதிபதித் தேர்தலுக்கு முன்னர் இலங்கையில் நடந்ததை விடவும், தீவிரத்தன்மையின் அடிப்படையில், இனவாதக் கலவரங்கள் மற்றும் குழப்பங்கள் ஏற்படுவதற்கான வலுவான சாத்தியக்கூறுகள் இருப்பதாக இந்தியப் பத்திரிகைகள் சில உளவுத்துறை எச்சரிக்கைகளை வெளியிட்டுள்ளன.

 குருந்திமலை விகாரை வளாகத்தில் கடந்த வெள்ளிக்கிழமை முதல் பௌத்த பிக்குகளும், பக்தர்களும் மத வழிபாடுகளை நடத்துவதற்காக வரத் தொடங்கியுள்ளதாக முல்லைத்தீவு தகவல்கள் தெரிவிக்கின்றன.

 பௌத்தர்களுக்கும், இந்துக்களுக்கும் இடையே பதற்றம் நிலவி வருவதால், மத பக்தர்களிடையே மோதல் ஏற்படாமல் தடுக்க ஏராளமான போலீஸார் அப்பகுதியில் குவிக்கப்பட்டுள்ளனர்.

 தென்னிலங்கையில் இருந்து வருகை தந்த பௌத்த பிக்குகள் குருந்திமலை ஆலயத்தில் பெருந்திரளான பக்தர்களுடன் இணைந்து சமய நிகழ்வுகளை நடாத்தியதால் அதனை ஒட்டிய இந்து ஆலயத்தில் பொங்கல் விழாவை நடத்துவதில் சிரமம் ஏற்பட்டது.