திருகோணமலை கடற்படை முகாமில் பயிற்சி நிலையம் அமைக்க பிரான்ஸிடம் முன்மொழிவு!

திருகோணமலை கடற்படை முகாமில் கடற்படை ஆராய்ச்சி மற்றும் பயிற்சி நிலையமொன்றை நிர்மாணிப்பதற்கு பிரான்ஸ் அரசாங்கத்திடம் முன்மொழியப்பட்டுள்ளதாக  நாடாளுமன்ற உறுப்பினர் உதய கம்மன்பில தெரிவித்துள்ளார். 

இது நாட்டின் தேசிய பாதுகாப்பிற்கு அச்சுறுத்தலாக அமையும் எனவும்  பாராளுமன்ற உறுப்பினர் சுட்டிக்காட்டியுள்ளார்.  

இது தொடர்பில் சிங்கள ஊடகம் ஒன்றுக்கு கருத்து வெளியிட்டுள்ள அவர்,  “ திருகோணமலை கடற்படை தளத்தில் கடற்படை ஆராய்ச்சி மற்றும் பயிற்சி மையம் அமைக்க பிரான்ஸ் அரசிடம் முன்மொழிவு சமர்ப்பிக்கப்பட்டுள்ளது. 

அதற்கு கடற்படை முழுமையாக ஒப்புக் கொண்டுள்ளது. இது தேசிய பாதுகாப்புக்கு அச்சுறுத்தல் என புலனாய்வு அமைப்புகள் கூறியுள்ளன.

சர்வதேச போர் அரசியலில் பிரான்ஸ் அமெரிக்காவின் நட்பு நாடாக உள்ளது.அமெரிக்கா இலங்கைக்கு வர முயற்சித்ததும் 2016ல் மூன்று பிரேரணைகள் முன்வைக்கப்பட்டிருந்தமை உங்களுக்கு நினைவிருக்கலாம். 

முகமூடியால் செய்ய முடியாததை அமெரிக்கா வந்து செய்யுமா? முகமூடியுடன் வந்தாலும் நாம் ஏமாறவில்லை என்றுதான்  சொல்ல வேண்டும். இதை நம்பாதீர்கள். இந்த விடயத்தில் உண்மையை கண்டறிய வேண்டும்” எனத் தெரிவித்துள்ளார்.