அரச ஊழியர்களுக்கு மாதாந்தம் முறையாக சம்பளம் வழங்க அரசாங்கம் நடவடிக்கை

பதினான்கு இலட்சம் அரச ஊழியர்களுக்கு சம்பளம் வழங்க முடியாது என வெளிநாட்டு மற்றும் உள்நாட்டு பொருளாதார நிபுணர்கள் கூறினாலும், கடந்த இரண்டு வருடங்களாக அரச ஊழியர்களுக்கு மாதாந்தம் முறையாக சம்பளம் வழங்க அரசாங்கம் நடவடிக்கை எடுத்துள்ளதாக பிரதமர் தினேஷ் குணவர்தன தெரிவித்துள்ளார். 

 புதிய கிராமம் - புதிய நாடு தேசிய ஒருங்கிணைப்பு பங்கேற்பு அபிவிருத்தி நிகழ்ச்சித்திட்டத்தின் மட்டக்களப்பு மாவட்ட செயலகத்தில் நடைபெற்ற மட்டக்களப்பு மாவட்ட வேலைத்திட்டத்தில் பிரதமர் இதனைத் தெரிவித்தார்.

 பிரதமர் மேலும் தெரிவிக்கையில், மட்டக்களப்பு பன்முக அபிவிருத்தி தேவைப்படும் பரந்த இடத்தைக் கொண்ட மாவட்டம்.

 மட்டக்களப்பு மாவட்டம் விவசாயம், வளங்கள், கடற்றொழில் உள்ளிட்ட பல்வேறு துறைகளை உள்ளடக்கியதாக இருப்பதால், அடுத்த இரண்டு வருடங்களுக்கான நீண்டகால விரிவான அபிவிருத்தித் திட்டத்தை உடனடியாக தொகுக்க நடவடிக்கை எடுக்கப்பட்டு வருகிறது.

 அதற்கு அரசு அதிகாரிகள் சிறப்பான ஆதரவை வழங்க வேண்டும். கடந்த நெருக்கடியான காலத்தில் பதினான்கு இலட்சம் அரச ஊழியர்களுக்கு சம்பளம் வழங்க முடியவில்லை என வெளிநாட்டு மற்றும் உள்நாட்டு பொருளாதார நிபுணர்கள் கூறினாலும் கடந்த இரண்டு வருடங்களாக அரசாங்க ஊழியர்களுக்கு எவ்வித குறையும் இன்றி மாதம் தோறும் சம்பளம் வழங்க அரசாங்கம் நடவடிக்கை எடுத்துள்ளது. 

ஊழியர்கள் நாட்டுக்காக திறமையாக பணியாற்ற வேண்டும். ஆளுநர் மற்றும் மக்கள் பிரதிநிதிகள் தெரிவித்த கருத்துக்களுக்கு மதிப்பளிக்கும் அதே வேளையில், அவர்களால் சுட்டிக்காட்டப்பட்ட பிரச்சினைகளுக்கு தீர்வு காண நடவடிக்கை எடுத்து வருகின்றனர்.

 விவசாயத் துறையில் ஏற்படும் பிரச்னைகள் குறித்து உரிய நடவடிக்கைகள் எடுக்கப்பட்டு வருகின்றன.

 விவசாயிகளுக்கு குறிப்பாக விவசாயத்திற்கு தேவையான வசதிகளை செய்து கொடுப்பதில் சிறப்பு கவனம் செலுத்தப்பட்டு வருகிறது என குறிப்பிட்டார்.