எல்பிஎல் போட்டிக்கு அனுமதி கோரவில்லை: விளையாட்டுத்துறை அமைச்சர்

இலங்கை கிரிக்கெட் (SLC) அல்லது லங்கா பிரீமியர் லீக் (LPL) உரிமையை வைத்திருப்பவர் இந்த ஆண்டு லங்கா பிரீமியர் லீக் பதிப்பை நடத்துவதற்கு முன்னர் தனது அனுமதியை கோரவில்லை என விளையாட்டு அமைச்சர் ரொஷான் ரணசிங்க தெரிவித்தார்.

 விளையாட்டுச் சட்டத்தின்படி எந்தவொரு போட்டிக்கும் முன்னதாக அவரது சம்மதத்தைப் பெறுவது அவசியம் என்று அமைச்சர் கூறினார்.

 "முந்தைய விளையாட்டு அமைச்சர்களின் காலத்தில் இந்த போட்டி எவ்வாறு விளையாடப்பட்டது என்பது எனக்குத் தெரியாது, ஆனால் அவர்கள் என்னிடம் அனுமதி பெறவில்லை" என்று அமைச்சர் கூறினார்.

 "விளையாட்டுச் சட்டத்தின் விதிகளுக்கு இணங்க போட்டிக்கான அனுமதியைப் பெறுமாறு நான் SLC க்கு இரண்டு முறை கடிதம் எழுதியுள்ளேன், ஆனால் அவர்கள் அவ்வாறு செய்யவில்லை," என்று ரணசிங்க மேலும் கூறினார்.

 "இதனால் தான் நான் அழைக்கப்பட்ட போதிலும் நான் போட்டியின் ஆரம்ப விழாவிற்கு செல்லவில்லை. இது இலங்கை கிரிக்கெட்  இல் மேலும் ஒரு கருப்பு புள்ளி" என்று அமைச்சர் ரணசிங்க கூறினார்.