பொலிஸாரிடமிருந்து தப்பிக்க குழந்தையை பணயக் கைதியாக வைத்திருந்த தந்தை!

பொலிஸ் பிடியில் இருந்து தப்பிக்க தன் மூன்று வயது குழந்தையை பிணைக் கைதியாக வைத்து குழந்தையை வெட்டிய தந்தையை பொலிஸார் கைது செய்தனர்.

 இச்சம்பவம் கடந்த 18ஆம் திகதி மாலை இடம்பெற்றுள்ளது. மதுரங்குளிய பொலிஸ் பிரிவைச் சேர்ந்த ஜீனா என்ற தோட்டத்தைச் சேர்ந்த 28 வயதுடைய நபரே இவ்வாறு கைது செய்யப்பட்டுள்ளார்.

 கடந்த 18ஆம் திகதி மதியம் மதுரங்குளிய ஜின்னா தோட்டத்திலுள்ள வீடொன்றில் வசிக்கும் சந்தேகநபர் தனது சட்டவிரோத மனைவியை கொடூரமான முறையில் தாக்குவதாக மதுரங்குளிய பொலிஸாருக்கு தகவல் கிடைத்தது.

 இரண்டு பொலிஸ் உத்தியோகத்தர்கள் அப்பகுதிக்கு சென்று சந்தேக நபரை கைது செய்ததையடுத்து அங்கு பரபரப்பான சூழ்நிலை ஏற்பட்டது.

 இதேவேளை பொலிஸ் உத்தியோகத்தர்களின் கடமைக்கு இடையூறு ஏற்படுத்தி சந்தேக நபரை அவரது உறவினர்கள் தப்பிச் செல்ல அனுமதித்துள்ளனர்.

 பின்னர், அந்த இடத்தில் கடும் பதற்றம் நிலவியதால், இரண்டு பொலிஸ்காரர்களும் அங்கிருந்து புறப்பட்டு காவல் நிலையம் சென்றனர்.

 பின்னர், பொலிஸாரின் கடமைக்கு இடையூறு விளைவித்த சந்தேகநபரின் தந்தை மற்றும் உறவினர்கள் இருவர் பொலிஸாரால் கைது செய்யப்பட்டுள்ளனர்.

 அதன் பின்னர் மீண்டும் சந்தேக நபரை கைது செய்வதற்காக மதுரங்குளிய பொலிஸ் நிலைய பொலிஸ் பரிசோதகர் காமினி விக்கிரமசிங்க,பொலிஸ் பரிசோதகர் காமினி விக்கிரமசிங்க உள்ளிட்ட குழுவினர் ஜின்னாவத்தை பகுதிக்கு வருவதை சந்தேக நபர் பார்த்துள்ளார்.

 அவர் தனது மூன்று வயது குழந்தையை பிணைக் கைதியாகப் பிடித்துஇ பொலிஸாரால் கைது செய்யப்பட்ட தனது தந்தை மற்றும் அவரது மூன்று உறவினர்களை விடுவிக்குமாறும், அவ்வாறு செய்யாவிட்டால், குழந்தையை கொன்றுவிடுவோம் என்றும் காவல்துறையினரை மிரட்டினார்.

 சந்தேக நபர் தனது கையில் இருந்த கத்தியை எடுத்து குழந்தையின் முதுகில் காயம் ஏற்படுத்தியதோடு குழந்தையின் கழுத்தில் கத்தியை வைத்து குழந்தையை கொன்று விடுவதாக மீண்டும் பொலிஸாரை மிரட்டியுள்ளார்.

 அதேநேரம், குழந்தையின் பாதுகாப்பிற்காக கையில் வைத்திருந்த ஆயுதங்கள் அனைத்தையும் தூக்கி எறிந்துவிட்டு பொலிஸ் அதிகாரிகள் தங்களை நிராயுதபாணியாக்கியுள்ளனர்.

 அதேநேரம் சந்தேக நபரின் உறவினர் ஒருவர் சந்தேகநபரிடம் விரைந்து வந்து அவரை தரையில் தட்டி எழுப்பியதுடன்இ பொலிசார் உடனடியாக தலையிட்டு சந்தேக நபரை கைது செய்துள்ளனர்.

 இதேவேளை வெட்டுக்காயங்களுக்கு உள்ளான மூன்று வயது குழந்தையை உடனடியாக புத்தளம் ஆதார வைத்தியசாலைக்கு சிகிச்சைக்காக அனுப்பி வைக்க ஏற்பாடுகள் செய்யப்பட்டுள்ளன.

 பொலிஸாரால் கைது செய்யப்பட்ட சந்தேக நபர் மற்றும் பொலிஸ் கடமைக்கு இடையூறு விளைவித்த உறவினரும் நேற்று (19) புத்தளம் நீதிமன்றத்தில் ஆஜர்படுத்தப்படவிருந்தனர்.