உயர்தரத்தில் கல்வி கற்ற 5,000 மாணவர்களுக்கு வட்டியில்லா கடன் வழங்கும் திட்டம் ஆரம்பம்

2019, 20 மற்றும் 21 ஆம் ஆண்டுகளில் உயர்தரத்தில் கல்வி கற்ற 5,000 மாணவர்களுக்கு வட்டியில்லா கடன் வழங்கும் திட்டத்திற்கான விண்ணப்பம் நாளை (04) முதல் ஆரம்பிக்கப்படும் என நிதி இராஜாங்க அமைச்சர் ரஞ்சித் சியம்பலாபிட்டிய தெரிவித்துள்ளார்.

 உரிய கடன் தொகை பெறும் பிள்ளைகள் வேலை வாய்ப்பு சார்ந்த படிப்புகளை படிக்க வேண்டும் என இராஜாங்க அமைச்சர் சுட்டிக்காட்டுகிறார். மேலும் கருத்து தெரிவித்த இராஜாங்க அமைச்சர், “2019, 2020, 2021 ஆம் ஆண்டிற்கான தனியார் பல்கலைக்கழகங்களில் கல்வி கற்க 5,000 மாணவர்களுக்கு வட்டியில்லாக் கடன் வழங்கும் திட்டத்திற்கு ஒப்புதல் அளிக்கப்பட்டுள்ளது. 

தற்போது கல்வி அமைச்சினால் அறிவிக்க திட்டமிடப்பட்டுள்ளது. விண்ணப்பதாரர்கள் ஜூலை 4 முதல் ஆகஸ்ட் 7 வரை விண்ணப்பிக்கலாம். மூன்று ஆண்டுகள் உயர்கல்வி முடித்த குழந்தைகள் இதற்கு விண்ணப்பிக்க வாய்ப்பு அளிக்கப்பட்டுள்ளது. 

நாட்டில் உயர்கல்வியின் தேவை அல்லது கல்வி தாகத்திற்காக அரசாங்கம் மேற்கொண்ட விசேட நடவடிக்கை இதுவாகும். இதற்கான வட்டி முழுவதையும் குழந்தைகளின் கல்விக்காக அரசே செலுத்துகிறது. அங்கு வேலை சார்ந்த படிப்புகளுக்கு முன்னுரிமை அளிக்கப்படுகிறது.