போலி துபாய் விசா தயாரித்ததற்காக எதிர்க்கட்சி எம்பியின் சகோதரர் விளக்கமறியலில்

ஐக்கிய அரபு இராச்சியத்தின் இலங்கைக்கான தூதரகத்தினால் வழங்கப்பட்ட போலி விசாக்களை தயாரித்ததாகக் கூறப்படும் நபர் ஒருவர் கண்டி காவல்துறையின் மோசடி விசாரணைப் பிரிவினரால் நேற்று முன்தினம் (17ஆம் திகதி) கைது செய்யப்பட்டுள்ளார்.

 சந்தேக நபரான சமகி ஜனபலவேகவின் கண்டி மாவட்ட நாடாளுமன்ற உறுப்பினர் ஹலீமின் சகோதரர் என்றும், துபாயில் வேலை வாங்கித் தருவதாக கூறி பலரை ஏமாற்றி பலரிடம் மோசடி செய்துள்ளதாகவும் பொலிசார் கூறுகின்றனர்.

 டுபாயில் வேலை வாங்கித் தருவதாகக் கூறி பணத்தை ஏமாற்றியதாக மூன்று முறைப்பாடுகள் கிடைத்ததை அடுத்து சந்தேகநபர் கைது செய்யப்பட்டதாக பொலிஸார் தெரிவித்தனர். 

 கண்டி தலைமையக காவல்துறையின் மோசடி விசாரணைப் பிரிவினர் இந்த விசாக்களை ஐக்கிய அரபு இராச்சியத்தின் தூதரகத்திற்கு அனுப்பி வைத்ததுடன் அவை போலி விசாக்கள் என்பதை உறுதிப்படுத்தினர். 

முகமது ஹாஷின் அலீம் முஹமது ராசிக் (வயது 58) என்ற சந்தேகநபர் கண்டி மேலதிக நீதவான் முன்னிலையில் ஆஜர்படுத்தப்பட்டதன் பின்னர் எதிர்வரும் 21 ஆம் திகதி வரை விளக்கமறியலில் வைக்கப்பட்டுள்ளார்.