நாளை மே 01 : மே பேரணிகள் மற்றும் கொண்டாட்டங்கள் நடைபெறும் இடங்கள்

அரசியல் கட்சிகள், தொழிற்சங்கங்கள் மற்றும் வெகுஜன அமைப்புக்கள் மே 01 திங்கட்கிழமை, உழைக்கும் மக்களின் பெருமையைப் போற்றும் மே பேரணிகள் மற்றும் நினைவேந்தல் விழாக்களை நடத்துவதற்கான ஏற்பாடுகளை செய்துள்ளன. 

•  ஜனதா விமுக்தி பெரமுனவின் பேரணி கொழும்பு BRC மைதானத்தில் இருந்து ஆரம்பமாகி கொழும்பு விகாரமஹா தேவி பூங்காவை அடைந்து, கட்சியின் தலைவர் திரு அனுரகுமார திஸாநாயக்க தலைமையில் பூங்காவிற்கு அருகில் நடைபெறவுள்ளது.
• சமகி ஜனபலவேகவின் மே மாதப் பேரணி எதிர்க்கட்சித் தலைவர் சஜித் பிரேமதாச தலைமையில் கொழும்பு புறக்கோட்டையில் இ. குணசிங்க மைதானத்தில் நடைபெறவுள்ளது. 
•  ஸ்ரீலங்கா பொதுஜன பெரமுன தனது மே பேரணியை முன்னாள் ஜனாதிபதி மஹிந்த ராஜபக்ஷ தலைமையில் பொரளை கெம்பல் மைதானத்தில் நடத்தவுள்ளது. 
•  ஸ்ரீலங்கா சுதந்திரக் கட்சியின் மே பேரணி முன்னாள் ஜனாதிபதி மைத்திரிபால சிறிசேன தலைமையில் கண்டி பொதுச் சந்தைக்கு முன்பாக நடைபெறவுள்ளது. 
•  ஐக்கிய தேசியக் கட்சியின் மே தினப் பேரணி கொழும்பு சுகததாச உள்ளக விளையாட்டரங்கில் ஆரம்பமாகவுள்ளது. கட்சியின் தலைவர் என்ற வகையில் ஜனாதிபதி ரணில் விக்கிரமசிங்க இதில் இணையாது ஜூம் தொழில்நுட்பத்தின் ஊடாக பேரணிக்கு வாழ்த்துக்களை தெரிவிப்பார். 
•  உத்தர லங்கா கூட்டணியின் பேரணியானது விகாரமஹா தேவி பூங்காவில் இருந்து ஆரம்பமாகி அதன் பின்னர் மாலை கொழும்பு ஹைட் பார்க் மைதானத்தில் மே மாதம் பேரணி இடம்பெறவுள்ளது. 
•  அதற்காக தேசிய சுதந்திர முன்னணி, பிவித்துரு ஹெல உறுமய, இலங்கை கம்யூனிஸ்ட் கட்சி, ஸ்ரீலங்கா சமசமாஜக் கட்சி, ஜனநாயக இடதுசாரி முன்னணி, விஜயதரணி தேசிய பேரவை, கடமை மக்கள் கட்சி ஆகியன இணையவுள்ளன. 
•  சுதந்திர தொழிலாளர் சங்கம் உள்ளிட்ட தொழிற்சங்கங்கள் நடத்திய மே தின பேரணி கொழும்பு மாளிகாவத்தை பி. டி. சிறிசேன மைதானத்தில் நடைபெறவுள்ளது. 

 இது தவிர பெருந்தோட்டங்களைச் சேர்ந்த பல தொழிற்சங்கங்கள் மற்றும் அரசியல் கட்சிகள் மே தினத்தையொட்டி அந்தப் பகுதிகளில் பேரணிகளை நடத்த உள்ளன.

 நாளை (01) நடைபெறவுள்ள அரசியல் கூட்டங்களுக்கு சகல பாதுகாப்பு ஏற்பாடுகளும் செய்யப்பட்டுள்ளதாக சிரேஷ்ட பொலிஸ் அத்தியட்சகர் சட்டத்தரணி நிஹால் தல்துவா தெரிவித்துள்ளார். 

 இதற்காக சுமார் 3,500 பொலிஸார் களத்தில் ஈடுபடுத்தப்பட்டுள்ளதாகவும் பொலிஸ் அத்தியட்சகர் தெரிவித்துள்ளார்.