ஜெர்மனி அதிபர் ஓலாப் ஸ்கால்ஸ், மூத்த அதிகாரிகள் மற்றும் வர்த்தக குழுவுடன் இந்தியாவுக்கு வருகை

கடந்த ஆண்டு இந்தோனேஷியாவில் நடந்த ஜி-20 மாநாட்டின் போது பிரதமர் மோடி, ஜெர்மன் அதிபர் ஏஞ்சலா மெர்க்கலை சந்தித்தார். அவர்கள் பொருளாதார உறவுகள், பாதுகாப்புத் துறையில் கூட்டு ஒத்துழைப்பு மற்றும் பிற முக்கிய பிரச்சினைகள் குறித்து விவாதித்தனர்.

அப்போது, இந்தியாவுக்கு வருகை தரும்படி ஜெர்மனி அதிபருக்கு பிரதமர் மோடி விடுத்த அழைப்பை ஏற்று, அவர் இன்று இந்தியாவில் 2 நாட்கள் சுற்றுப்பயணம் மேற்கொள்கிறார். இதன்படி, அவர் இன்று காலை டெல்லிக்கு வருகை தந்து உள்ளார். அவரது இந்த பயணத்தில் ஜெர்மனியின் மூத்த அதிகாரிகள் மற்றும் உயர்மட்ட அளவிலான வர்த்தக குழுவினரும் வந்து உள்ளனர். அவருக்கு சிறப்பான வரவேற்பு அளிக்கப்பட்டது.

சமீபத்தில் ஜெய்சங்கர் ஜெர்மனியின் பாதுகாப்பு ஆலோசகரை சந்தித்து பேசினார். இந்த ஆலோசனையின் போது, ​​இந்தோ-பசிபிக் மற்றும் ஐரோப்பிய பிராந்தியங்களின் நிலவரம் குறித்து விவாதித்தனர்.இந்தியாவும் ஜெர்மனியும் உக்ரைனில் மனிதாபிமான நெருக்கடி தொடர்பான நிலைமை குறித்தும் விவாதித்தன.இரண்டாம் உலகப் போருக்குப் பிறகு ஜெர்மனியின் மத்திய குடியரசுடன் இராஜதந்திர உறவுகளை ஏற்படுத்திய முதல் நாடுகளில் இந்தியாவும் ஒன்றாகும். இந்த உறவுகள் பகிரப்பட்ட ஜனநாயகக் கொள்கைகளின் அடிப்படையில் உருவாக்கப்பட்டன.

இந்தியாவுடன் இணைந்து, ஆண்டுக்கு 1.3 பில்லியன் டாலர் மதிப்பிலான வளர்ச்சித் திட்டங்களில் நாடு ஈடுபட்டுள்ளது. அவர்களில் 90 சதவீதம் பேர் இயற்கை வளங்களைப் பாதுகாப்பதையும், சுத்தமான மற்றும் பசுமையான ஆற்றலை ஊக்குவிப்பதையும், காலநிலை மாற்றத்தை எதிர்த்துப் போராடுவதையும் நோக்கமாகக் கொண்டுள்ளனர்.

ராஷ்டிரபதி பவனில் ஜெர்மன் அதிபருக்கு பிரமாண்ட வரவேற்பு அளிக்கப்பட்டது. இதையடுத்து பிரதமர் மோடியை சந்தித்து பேசினார். இந்த சந்திப்பில் இரு நாட்டு தலைவர்களும் இருதரப்பு, பிராந்திய மற்றும் சர்வதேச விவகாரங்கள் குறித்து விவாதிக்க உள்ளனர்.

இந்த பயணத்தின் போது, ​​ஜனாதிபதி திரவுபதி முர்மு மற்றும் ஜெர்மன் அதிபர் ஸ்கோல்ஸ் ஆகியோர் சந்தித்து பேசவுள்ளனர். இரு நாட்டுத் தலைவர்களும் இருதரப்பு தலைமை நிர்வாக அதிகாரிகள் மற்றும் வணிகத் தலைவர்களுடன் உரையாடுகிறார்கள். இதையடுத்து ஜெர்மனி அதிபர் நாளை கர்நாடக மாநிலம் பெங்களூரு செல்கிறார்.