ஏழு மாதங்களுக்குப் பிறகு திறக்கப்பட்ட வகுப்புக்கள் மீன்டும் மூடப்பட்டது! ஆப்கானிஸ்தானில் மறுக்கப்பட்ட கல்வி

ஆப்கானிஸ்தானில் உள்ள பெண்கள் பள்ளிகளில் 6 மற்றும் அதற்கு மேற்பட்ட வகுப்புகளை மூட தலிபான்கள் நடவடிக்கை எடுத்துள்ளனர். ஏழு மாதங்களுக்குப் பிறகு ஆப்கானிஸ்தானில் பெண்கள் பள்ளிகளின் மேல் வகுப்புகள் திறக்கப்பட்ட பின்னர்  மாணவர்கள் வகுப்புகளுக்கு அழைக்கப்பட்ட சில மணிநேரங்களில், தலிபான்கள் மீண்டும் மூடிவிட்டதாக வெளிநாட்டு செய்திகள் தெரிவிக்கின்றன.

தலிபான்களின் கூற்றுப்படி, ஆப்கானிஸ்தானில் உள்ள பெண்கள் பள்ளிகள் மறு அறிவிப்பு வரும் வரை 6 ஆம் வகுப்புக்கு மேல் வகுப்புகளை நடத்த அனுமதிக்கப்படாது, மேலும் அந்த மாணவர்கள் தங்கள் கல்வியைத் தொடர அனுமதிக்கப்பட மாட்டார்கள்.

தடையை அறிவித்த ஆப்கானிஸ்தானின் கல்வி அமைச்சகம், இஸ்லாமிய சட்டம் மற்றும் ஆப்கானிஸ்தானின் கலாச்சாரத்தை கருத்தில் கொண்டு, பெண்கள் பள்ளிகள் 6 ஆம் வகுப்புக்கு மேல் வகுப்புகளை நடத்த அனுமதிக்கலாமா வேண்டாமா என்பதை எதிர்காலத்தில் முடிவு செய்யும் என்று கூறியது.