முன்னாள் பாதுகாப்பு இராஜாங்க அமைச்சரிடம் மன்னிப்புக் கோரிய சீஐடி பிரதானி 

ஈஸ்டர் ஞாயிறு அன்று நடந்த தீவிரவாத தாக்குதல் பற்றிய தகவல்கள், தாக்குதலுக்கு முன் வழங்க இயலாமை தொடர்பாக முன்னாள் அரச புலனாய்வுப் பிரிவின் பிரதானி நிலந்த ஜயவர்தன, முன்னாள் பாதுகாப்பு அமைச்சர் ருவான் விஜேவர்தனவிடம் இன்று (14) நீதிமன்றத்தில் மன்னிப்புக் கோரியுள்ளார்.

இந்த வழக்கு கொழும்பு மேல் நீதிமன்றத்தில் விசாரணைக்கு எடுத்துக்கொள்ளப்பட்டது.

ஈஸ்டர் ஞாயிறு அன்று நடத்தப்பட்ட பயங்கரவாதத் தாக்குதலைத் தடுக்க போதிய தகவல்கள் கிடைத்தும் நடவடிக்கை எடுக்கத் தவறியதற்காக முன்னாள் பாதுகாப்புச் செயலாளர் ஹேமசிறி பெர்னாண்டோ மீது குற்றவியல் குற்றச்சாட்டு சுமத்தப்பட்ட வழக்கு இன்று எட்டாவது முறையாக கொழும்பு மேல் நீதிமன்றத்தில் விசாரணைக்கு எடுத்துக்கொள்ளப்பட்டது.

நல்லாட்சி அரசாங்கத்தில் பாதுகாப்பு அமைச்சராக இருந்த ருவான் விஜேவர்தன இன்று சாட்சியமளிக்க வருகை தந்தார்.

பாதுகாப்பு கவுன்சில் கூட்டங்கள் வாரந்தோறும் ஜனாதிபதியால் நடத்தப்பட்டதாகவும், பின்னர் மாதந்தோறும் நடத்தப்படுவதாகவும் அவர் விளக்கினார்.

இறுதி நாட்களில் ஜனாதிபதி அழைப்பு விடுத்த போது மாத்திரமே நடத்தப்பட்டதாகவும் அவர் குறிப்பிட்டுள்ளார்.

மேலும், ஈஸ்டர் ஞாயிறு பயங்கரவாத தாக்குதல் வரை அரச புலனாய்வு சேவையின் முன்னாள் தலைவர் நிலந்த ஜயவர்தன, தமக்குக் கிடைத்த தகவல்கள் தொடர்பில் அறிவிக்கவில்லை என அவர் இன்று நீதிமன்றத்தில் தெரிவித்தார்.