உண்மையை மறைக்க அரசாங்கத்தின் மற்றொரு துருப்புச் சீட்டு: பேராயார்

ஈஸ்டர் தாக்குதலின் உண்மையை மறைக்க மற்றொரு துருப்பு சீட்டைப் பயன்படுத்த அரசாங்கம் தயாராகி வருவதாக பேராயர் மல்கம் ரஞ்சித் தெரிவித்துள்ளார்.

இன்று (08) நடைபெற்ற செய்தியாளர் சந்திப்பின்போது அவர் இதனை தெரிவித்தார்.

இந்த அரசாங்கத்தின் வியாபாரத்தில் உண்மையை மறைக்க இது மற்றொரு துருப்புச் சீட்டு.

பிரதமர் மஹிந்த ராஜபக்ஷ மற்றும் வெளிவிவகார அமைச்சர் பேராசிரியர் ஜி.எல்.பீரிஸ் ஆகியோர் ஈஸ்டர் ஞாயிறு தாக்குதல்கள் தொடர்பான விசாரணைகளின் முன்னேற்றம் குறித்து போப் பிரான்சிஸுக்கு விளக்கமளிப்பார்கள் என செய்தித்தாள் கூறியுள்ளது.

இரண்டரை ஆண்டுகளாக இந்த நாட்டின் அப்பாவி மக்கள் உண்மை வெளிவரும் வரை காத்திருந்தனர்.

இப்போது சர்வதேசம் நம்மைத் தள்ளுகிறது, ஏனென்றால் அவர்கள் சர்வதேசத்திற்கு செல்ல முடிவு செய்துள்ளனர்.

 ஈஸ்டர் ஞாயிறு தாக்குதல் தொடர்பான விசாரணைகள் குறித்து வத்திக்கானுக்கு விளக்கும் அரசாங்கத்தின் நடவடிக்கையை எதிர்த்து, இலங்கை கத்தோலிக்க தேவாலயம் ஏற்கனவே பரிசுத்த அமைப்புக்கு நிலைமை குறித்து விளக்கியுள்ளது என பேராயர் மல்கம் ரஞ்சித் தெரிவித்துள்ளார். 

இதேவேளை, பிரதமர் மஹிந்த ராஜபக்ஷ மற்றும் வெளிவிவகார அமைச்சர் ஆகியோர்  இத்தாலிக்கு வருகை தந்திருந்தாலும், திருத்தந்தை பாப்பரசரை சந்திக்கமாட்டார்கள் என வெளிவிவகார அமைச்சு வெளியிட்டுள்ள அறிக்கையொன்றில் குறிப்பிடப்பட்டுள்ளது.