பிரித்தானியாவை அழிவுக்கு கொண்டு செல்லும் போலி மருந்துகள்! - வெளிவந்த அதிர்ச்சி தகவல்

கொரோனாவுக்கு சந்தையில் விற்பனையாகும் போலி மருந்து வகைகளை உட்கொண்ட பலர் வேல்ஸ் மொரிஸ்டன் மருத்துவமனையில் அனுமதிக்கப்பட்டதாக தெரிவிக்கப்படுகின்றது.

Swansea மற்றும் Neath Port Talbot-இல் Valium and  Xanax என்ற போலி மாத்திரைகள் சட்டவிரோதமாக விற்பனை செய்யப்படுவதாக தெரிவிக்கப்படுகின்றது.

எனினும் இது தொடர்பில் விரிவான விசாரணை மேற்கொண்டு வருவதாக சவுத் வேல்ஸ் போலீசார் தெரிவித்தனர்.

போலி மாத்திரைகளின் எண்ணிக்கை அதிகரிப்பு குறித்து  சுகாதார நிபுணர்களால் ஒரு எச்சரிக்கை அறிக்கை வெளியிடப்பட்டது.

பரிசோதிக்கப்பட்ட மாத்திரைகளில் பாதிக்கும் மேற்பட்டவை போலிகளாக இருப்பது கண்டறியப்பட்டது, பெரும்பாலும் வலுவான, முறைப்படுத்தப்படாத இரசாயனங்கள் உள்ளன.

போலி மாத்திரைகள் பெரும்பாலும் மலிவான பொருட்களைப் பயன்படுத்தி தயாரிக்கப்படுகின்றன.

அவை மக்கள் எடுத்துக்கொள்வதை விட 10 மடங்கு வலிமையாக இருக்கும், இது நீண்டகால பக்க விளைவுகள் மற்றும் நீண்டகால போதைக்கு வழிவகுக்கும்.

விளம்பரங்கள், பொதிகள் மற்றும் மருத்துவ தகவலை பார்க்கும் போது, பல உண்மையான மருந்துகளை ஒத்திருக்கின்றதாக தெரிவிக்கப்படுகின்றது.

இங்கிலாந்து முழுவதும் இருந்து பெறப்பட்ட மருந்து மாதிரிகளை பகுப்பாய்வு செய்யும் வெல்ஷ், இந்த போலி மருந்து வகைகளில் பென்சோடியாசெபைன் மாதிரிகளின் எண்ணிக்கையில் 40% அதிகரிப்பு காணப்பட்டது. இது 2019-20ல் 846 ஆக இருந்து 2020-21ல் 1,205 ஆக உயர்ந்துள்ளது. 

கடந்த ஆண்டில் சமர்ப்பிக்கப்பட்ட 320 மாதிரிகளில், Xanaxஇல்  58% முற்றிலும் வேறுபட்ட பொருளைக் கொண்டிருப்பது கண்டறியப்பட்டது.

ஓன்லைன் விற்பனையில் திடீர் அதிகரிப்பைக் கொண்ட சில மருந்துகளில் பென்சோடியாசெபைன்கள் என்று அழைக்கப்படுபவையும் அடங்கும்.

இது ஏற்கனவே இருக்கும் போதைப்பொருள் பிரச்சினைகள் உள்ளவர்களிடையே அதிகமாக வாங்கப்பட்டு விற்கப்படுகின்றன.

பிரிட்டிஷ் மருத்துவ சங்கத்தின் வேல்ஸ் கவுன்சில் தலைவர் டாக்டர் டேவிட் பெய்லி, 

சரியான மருத்துவ மதிப்பீடு இல்லாமல் மக்கள் பரிந்துரைக்கும் மருந்துகளை மட்டுமே வாங்குவதை அவதானிப்பதாக கூறினார்.