இங்கிலாந்தில் ஹாலோவீன் விருந்தில் கத்தி குத்து தாக்குதல் - பதின்ம வயது இளைஞர்கள் படுகாயம்

இங்கிலாந்தின் ஹாம்ப்ஷயரில் நடந்த ஹாலோவீன் விருந்தில் கத்தியால் குத்தப்பட்டதில் ஐந்து பதின்ம வயது இளைஞர்கள் படுகாயமடைந்துள்ளதாக காவல்துறை தெரிவித்துள்ளது.

ஈஸ்ட்லீக்கு அருகிலுள்ள சாண்ட்லர்ஸ் ஃபோர்டில் உள்ள பார்க் சாலைக்கு அதிகாரிகள் அழைக்கப்பட்டனர். 16 வயதுடைய மூன்று சிறுவர்கள் மற்றும் 17 வயதுடைய இருவர் மருத்துவமனைக்குக் கொண்டு செல்லப்பட்டனர்.

கத்திக்குத்துச் சம்பவங்கள் நடப்பதற்கு முன்பு, பார்க் சாலையில் உள்ள ஒரு முகவரியில் நடந்த விருந்துக்குள் அடையாளம் தெரியாத ஒரு குழு நுழைந்ததாக நம்புவதாக ஹாம்ப்ஷயர் காவல்துறை குறிப்பிட்டுள்ளது.