ஜி- மெயில் முகவரியை மாற்றும் வசதி அறிமுகம்!
ஆரம்பக்காலத்தில் இருந்து பயன்படுத்தி வந்த ஜி- மெயில் முகவரியை மாற்றும் வசதி அறிமுகப்படுத்தப்பட்டுள்ளது.
இதற்கமைய கூகிளின் புதிய அம்சம், குறிப்பிட்ட வரம்புகளுடன் பயனர்கள் தங்கள் ஜிமெயில் முகவரியை மாற்ற அனுமதிக்கிறது. பயனர்கள் ஒவ்வொரு 12 மாதங்களுக்கும் ஒரு முறை மட்டுமே மாற்றத்தை செய்ய முடியும் எனத் தெரிவிக்கப்பட்டுள்ளது.
பொதுவாக சமூகவலைத்தளங்களில், பயனர்கள் தங்களது பயனர் பெயரை மாற்ற விரும்பினால், இன்னொரு கணக்கு தொடங்காமலே, குறிப்பிட்ட கால இடைவெளியில் பயனர் பெயரை மாற்ற அனுமதிக்கிறது. ஆனால், இந்த வசதி ஜிமெயில் நிறுவனத்தில் இல்லாமல் இருந்தது. பயனர்கள் பெயரை மாற்ற விரும்பினால், புதிய ஜிமெயில் கணக்கை தொடங்க வேண்டிய கட்டாயம் இருந்தது.
தற்போது புதிய கணக்கை உருவாக்காமலே ஜிமெயில் முகவரியை(gmail id) மாற்றும் அம்சத்தை கூகிள் அறிமுகப்படுத்த உள்ளது.
முகவரியில் மாற்றம் செய்தாலும், அதே கணக்கு சுயவிவரத்தை வைத்திருக்கும், மேலும் கூகிள் புகைப்படங்களில் உள்ள முக்கியமான புகைப்படங்கள், வீடியோக்கள், கூகிள் டிரைவில் உள்ள கோப்புகள், யூடியூப் ஆகியவற்றில் எந்த மாற்றமும் ஏற்படாது. இந்த மாற்றத்திற்கு பின்னர் உங்கள் பழைய ஜிமெயில் முகவரி செயலிழந்து விடாது. மாறாக 2வது ஜிமெயில் முகவரியாக செயல்படும். பழைய முகவரிக்கு வரும் மின்னஞ்சல்களையும் ஒரே இடத்தில் பார்க்க முடியும்.
ஜிமெயில் கணக்கில் உள்நுழையும் போது, இரு முகவரிகளை பயன்படுத்தி உள்நுழைய முடியும். உங்களது பழைய முகவரி வேறு யாருக்கும் வழங்கப்படாது. இதே போல், அதிகபட்சமாக 3 முறை மாற்றம் செய்து கொள்ளலாம். அதாவது 4 ஜிமெயில் முகவரிகளை ஒரு கணக்குடன் இணைத்து கொள்ளலாம்.
ஆனால், ஒரு முறை மாற்றம் செய்து விட்டால் குறைந்தது 12 மாதங்களுக்கு பிறகுதான், மீண்டும் இந்த மாற்றத்தை மேற்கொள்ள முடியும்.
இந்த மாற்றம் படிப்படியாக அமுல்படுத்தப்பட்டு வருகிறது. உங்கள்கூகுள் கணக்கில் (Settings) ‘தனிப்பட்ட தகவல்’ (Personal Info) ‘Email’ என்ற பகுதியில் இந்த வசதி உங்களுக்கு வந்துள்ளதா என்பதை சரிபார்த்துக் கொள்ளலாம்.
(வீடியோ இங்கே )
அனுசரணை
இது தொடர்பா வேற என்னலாம் நடந்திருக்குனு தெரிஞ்சுக்கலாமா?
சிறப்பு கட்டுரை
சினிமா செய்திகள்
வர்த்தக வியாபாரங்கள்
இலங்கை மாவட்ட செய்திகள்
