இலங்கையை சினிமா தலமாக மேம்படுத்த முயற்சி!

இலங்கையை சினிமா தலமாக மேம்படுத்தும் முயற்சியில் ஈடுபட்டுள்ளதாக இலங்கை சுற்றுலா ஊக்குவிப்பு பணியகம் தெரிவித்துள்ளது. 

இது குறித்து கருத்து வெளியிட்டுள்ள இலங்கை சுற்றுலா ஊக்குவிப்பு பணியகத்தின் தலைவர் சாலக கஜபாகு  சினிமாவை ஊக்குவிக்கும் திட்டம் ஏற்கனவே நடைமுறைப்படுத்தப்பட்டுள்ளதாக தெரிவித்துள்ளார். 

மேலும் கருத்து வெளியிட்டுள்ள அவர்,  இந்தியத் திரையுலகம் ஆண்டுக்கு 2,000 க்கும் மேற்பட்ட தொலைக்காட்சி நிகழ்ச்சிகளை உருவாக்குகிறது, இப்போது OTT தளங்கள், நெட்ஃபிக்ஸ், பிரைம் மற்றும் டிஸ்னி மற்றும் பல்வேறு பொழுதுபோக்கு சாதனங்கள் இருக்கின்றன. 

இலங்கை ஒரு  தீவாக இருந்தாலும், இலங்கையில் சூரியனும் கடலும் மட்டுமே இருப்பதாக பலர் நினைக்கிறார்கள்,  இலங்கை ஏன் சினிமா ஸ்டுடியோ ஆக முடியாது? இந்திய சினிமா நட்சத்திரங்கள் இலங்கைக்கு வந்தால், சுற்றுலா பயணிகளும் இலங்கைக்கு வருவார்கள் எனத் தெரிவித்துள்ளார்.