மற்றொரு வகை ரசாயன உரத்தை விவசாயிகளுக்கு இலவசமாக வழங்க விவசாய அமைச்சு தீர்மானம்

எதிர்வரும் காலங்களில் விவசாயிகளுக்கு மற்றுமொரு இரசாயன உரத்தை இலவசமாக வழங்க விவசாய அமைச்சு தீர்மானித்துள்ளது.

 அமைச்சர் மஹிந்த அமரவீர, நிதியமைச்சர் ஜனாதிபதி ரணில் விக்கிரமசிங்கவுடன் கலந்துரையாடியதாகவும் அதற்கு ஜனாதிபதியிடமிருந்து நல்ல பதில் கிடைத்துள்ளதாகவும் விவசாய அமைச்சு குறிப்பிட்டுள்ளது.

 இதேவேளை, எதிர்வரும் பருவத்தில் உரங்களை கொள்வனவு செய்வதற்காக விவசாயிகளுக்கு வழங்கப்படும் வவுச்சர்களை விவசாயிகளின் வங்கிக் கணக்கில் வரவு வைக்க விவசாய அமைச்சு தீர்மானித்துள்ளது.

 விவசாயிகள் தங்கள் விருப்பப்படி தனியார் அல்லது அரசு உரக் கழகத்திடம் இருந்து இயற்கை உரங்கள் அல்லது இரசாயன உரங்களை வாங்க முடியும் என வேளாண் அமைச்சகம் வெளியிட்டுள்ள அறிவிப்பில் தெரிவிக்கப்பட்டுள்ளது.