நச்சு தன்மையால் பாதிக்கப்பட்டுள்ள பிரேசிலின் மிக நீளமான நதி

பிரேசிலின் சாவ் பாலோவில் உள்ள மிக நீளமான நதியாக கருதப்படும் Tiete நதி நச்சு தன்மையால் பாதிக்கப்பட்டுள்ளது. சாவோ பாலோவில் மிகவும் மாசுபட்ட நதியாக டைட்டே நதி பதிவு செய்யப்பட்டுள்ளதாக சுற்றுச்சூழல் ஆர்வலர்கள் கூறுகின்றனர். 

இப்பகுதியின் முக்கிய நீர் ஆதாரமாகவும் இந்த நதி கருதப்படுகிறது. மேலும், டைட் ஆற்றின் சுற்றுவட்டாரப் பகுதிகளில் பலத்த காற்று வீசுவதாகவும் அப்பகுதி மக்கள் தெரிவிக்கின்றனர்.

பிரேசிலில் அதிக மக்கள் தொகை கொண்ட நகரமான சாவோ பாலோவில் மக்களின் இயல்பு வாழ்க்கை இந்த நதியால் முற்றாக பாதிக்கப்பட்டுள்ளது. நச்சு நுரை காரணமாக, ஆற்றில் ஏராளமான நீர்வாழ் உயிரினங்கள் இறந்துள்ளன, இது மீனவ சமூகத்தில் கடுமையான பாதிப்பை ஏற்படுத்தியுள்ளது. 

மேலும் நகரவாசிகளின் உடல்நலம் கடுமையாக பாதிக்கப்பட்டுள்ளதாக வெளிநாட்டு ஊடகங்கள் செய்தி வெளியிட்டுள்ளன. பல்வேறு தொழிற்சாலைகள் மூலம் ரகசியமாக ஆற்றில் கலக்கப்படும் ரசாயனங்கள் இந்த பாதகமான சூழ்நிலையை ஏற்படுத்தியுள்ளதாக சுற்றுச்சூழல் ஆர்வலர்கள் கூறுகின்றனர்.

 அதன்படி, டைட் ஆற்று நீரில் ஹைட்ரஜன் சல்பைட் கலந்திருப்பதால், மனித ஆரோக்கியத்துக்கும், சுற்றுச்சூழலுக்கும் கேடு விளைவிக்கும் பாக்டீரியாக்கள் அதிக அளவில் கலந்திருப்பதாக அவர்கள் மேலும் தெரிவித்தனர்.

இச்செய்திக்கு பிரதான அனுசரணை

வீடியோ இங்கே

v