பாடசாலைகளில் ஆங்கில மொழியில் கற்பிக்க திட்டம் - சுசில் பிரேமஜயந்த!

British Council உடன் இணைந்து பாடசாலைகளில் ஆங்கிலத்தில் கற்பிக்க நடவடிக்கை எடுத்துள்ளதாக கல்வி அமைச்சர் கலாநிதி சுசில் பிரேமஜயந்த தெரிவித்தார்.

ஜனாதிபதி ஊடக மையத்தில் "நிலையான நாட்டிற்கு ஒரு வழி" என்ற தொனிப்பொருளில் நடைபெற்ற செய்தியாளர் சந்திப்பில் கலந்துகொண்டு கருத்து வெளியிட்ட அவர் இவ்வாறு கூறினார். 

இதன்போது தொடர்ந்து பேசிய அவர், “நாட்டில் நிலையான மற்றும் தரமான கல்வியை உருவாக்குவதற்காக ஜனாதிபதி ரணில் விக்ரமசிங்கவின் வழிகாட்டுதலின் கீழ் தற்போது பல சீர்திருத்தங்கள் மேற்கொள்ளப்பட்டு வருவதாகவும், சர்வதேச தரத்திற்கு ஏற்ப பாடத்திட்டங்களை அறிமுகப்படுத்துதல் மற்றும் மனித வளங்களை சரியான முறையில் கையாள நடவடிக்கை எடுக்கப்பட்டுள்ளதாகவும் குறிப்பிட்டுள்ளார். 

பல்வேறு காரணங்களால் நிறுத்தப்பட்ட "சுரக்ஷா" மாணவர் காப்பீட்டு முறை 2024 ஆம் ஆண்டு முதல் மீண்டும் ஆரம்பிக்கப்படும் என்றும் அமைச்சர் குறிப்பிட்டார்.

மேலும்  வளர்ந்த நாடுகளில், கல்வி அமைச்சு மத்திய அரசுக்கு சொந்தமானது அல்ல, அது ஒரு மாகாண அமைச்சரின் கீழ் உள்ளது. இந்தியா, கனடா, ஜப்பான் போன்ற நாடுகளில் இந்த முறை நடைமுறையில் இருப்பதால், அவர்களின் குழந்தைகளின் கல்வி உரிமைகள் பாதுகாக்கப்பட்டுள்ளன எனத் தெரிவித்த அவர், மத்திய மாநிலங்களில் இது போன்ற நிலை உருவாகியிருந்தாலும், நம் நாட்டில் கல்வி அமைச்சகம் மத்திய அரசின் கீழ் இயங்குகிறது எனவும் சுட்டிக்காட்டினார்.