இன்று நேபாளத்தில் உலங்கு வானுர்தி காணாமல் போயுள்ளது

இன்று நேபாளத்தில்  ஒரு  ஹெலிகாப்டர் காணாமல் போனதாக கிடைத்த தகவலையடுத்து விபத்தில் 5 பேர் உயிரிழந்தாக தெரிவிக்கப்பட்டது.

 நேபாளத்தில் காத்மாண்டுவில் இருந்து சோலுகும்பு பகுதிக்கு 6 பேருடன் சென்ற 9என்எம்வி(9NMV) என்ற ஹெலிகாப்டரைக் காணவில்லை என இன்று (செவ்வாய்க்கிழமை) காலை தகவல் வெளியானது.

 காலை 10.12 மணிக்கு தகவல் தொடர்பு துண்டிக்கப்பட்டதாகக் கூறப்படும் ஹெலிகாப்டரில் கேப்டன் மற்றும் 5 வெளிநாட்டவர்கள் என 6 பேர் பயணித்ததாகக் கூறப்பட்டது. 

 இந்நிலையில் ஹெலிகாப்டர், எவரெஸ்ட் சிகரத்தின் அருகே மரத்தின் மீது மோதி ஏற்பட்ட விபத்தில் 5 பேர் உயிரிழந்ததாகத் தெரிவிக்கப்பட்டுள்ளது. 

இதனையடுத்து தேடுதலில்5 பேரின் உடல்கள் மீட்கப்பட்டுள்ளதாகவும் ஒருவரைத் தேடும் பணி நடைபெற்று வருவதாகவும் தகவல் வெளியாகியுள்ளது.